| 54. | உறுஎனல் ஆதிய உரிச்சொல் ஆமே. | | | |
|
| உறு என்பதைப் போன்ற சொற்கள் உரிச்சொற்கள் ஆம் என்றவாறு, |
| ஒரு பொருளின் மிகுதியை உணர்த்தும் உறு என்ற சொல்லைப் போன்று பொருட்கு உரிமை பூண்டு நிற்கும் சொற்கள் உரிச்சொல் எனப்படும். (219) |
| 55. | ஓம்எனல் ஆம்எனல் ஆதிய ஒப்புச் | | | சொற்கள் ஆம்எனத் துணிவார் புலவோர். |
|
| ஓம், ஆம் போன்ற சொற்கள் பிறர் கூறுவனவற்றிற்கு உடன்படுவோர் பயன் படுத்தும் ஒப்புச் சொற்கள் ஆகும் என்றவாறு. |
| இங்குக் கூறப்படும் ஒப்புச்சொல் என்பது உடன்பாட்டுப் பொருளில் ஆளப் பட்டது. உவமைப் பொருளில் அன்று. (220) |
| 56. | ஏஎனல் ஆதிய விளிச்சொல் ஆமே. | | | |
|
| ஏ என்பதைப் போன்ற சொற்கள் பிறரை அழைக்கும் விளிச்சொற்கள் ஆம் என்றவாறு. (221) |
| 57. | ஐயோ என்றிடல் ஆதிய சிற்சில | | | இரக்கச் சொல்உள என்பது முறையே. |
|
| ஐயோ என்பதைப் போன்ற இரக்கத்தைக் குறிக்கும் சொற்கள் சிலவும் வழங்கி வருகின்றன என்றவாறு. (222) |
| 58. | கூகூ எனல்பலர்க் கூட்டும் சொல்லே. | | | |
|
| கூகூ என்பது ஓரிடத்தில் பலரைக் கூட்டுவிப்பதற்குரிய சொல் ஆகும் என்றவாறு. (223) |
| 59. | ஆஓ என்றிடல் வியன்சொல் ஆமே. | | | |
|