| 29. | பார்வையில், பரிவில், பழகலில், பகர்ச்சியில், | | | செயலில் சேயிழை சிந்தையில் கிடக்கும் | | | மோகம் கமழ்வது முறைஎனத் தகுமே. |
| | செம்மையான அணிகலன்களை அணிந்துள்ளவளாகிய தலைவியின் உள்ளத்தில் உள்ளகாதல் அவளுடைய சிறப்பு நோக்காலும், தலைவன்மாட்டுக் காட்டும் தனி அன்பினாலும், அவனோடு பழகுகின்ற முறையாலும், பேசும் மொழிகளாலும் நடைமுறைச் செய்கைகளாலும் வெளிப்படும் எனலாம் என்றவாறு. (306) | | 30. | தலைவன் மால்உடைத் தையல்ஊண் வெறுக்கும்; | | | மதிக்குடைச் செல்வனை வையும்;நெட் டுயிர்க்கும்; | | | தென்றலுக்கு அஞ்சும்; சேடியைப் பகைக்கும்; | | | அன்னையைத் தினந்தொறும் அழஅழப் படுத்தும்; | | | கனவினிற் களித்துக் கண்விழித்து அயரும்; | | | வளைகலன் கலைமலர் ஆதிய மறக்கும்; | | | அன்ன தன்மை அளவிலாது உறுமே. |
| | இந்நூற்பா பிரிவாற்றாத தலைவியின் தன்மைகளைக் கூறுகிறது. தலைவனைப் பிரிந்து அவ் விரகத்தால் துன்புறுகின்ற பெண் உணவை வெறுப்பாள்; சந்திரனைத் தன்வெண்கொற்றக் குடையாகக் கொண்டுள்ள காமனைப் பழிப்பாள்; அடிக்கடி பெருமூச்சு விடுவாள்; தென்றல் எங்கே தன்னைத் தீண்டி மோகத்தீயை மூட்டிவிடுமோ எனப் பயப்படுவாள்; ஒருவிதக் காரணமுமின்றித் தன் தோழியுடன் சினம் கொள்வாள்; நாள் தோறும் அவள் தாய் தனக்குள் மிக வருத்தும்வண்ணம் வருத்துவாள்; கனவில் காதலனைக் கண்டு மகிழ்ந்து துயில் நீங்கி நினைவில் அவனைக் காணாதே சோர்வுறுவாள்; கை வளையல் முதலிய பூண்களாலும், புத்தாடைகளாலும், பூக்களாலும் தன்னை ஒப்பனை செய்துகொள்வதை மறந்தே விடுவாள், பிரிவாற்றாத தலைவியின் இத்தகைய மெய்ப்பாடுகள் பற்பலவாகும் என்றவாறு. |
|
|