| ஆகியவர்களைப் போற்றிப் பாடப்படும் பனுவல்கள் யாவும் பிரபந்தம் எனப் பெயர்பெறும் என்றவாறு. |
| ஒரு பாட்டுடைத் தலைவனைப் புகழ்ந்து இயற்றப்படுவது பிரபந்தம் என்றாராயிற்று. (517) |
| 119. | வரை,நதி நகர்,நாடு ஆதியின் வளமும், | | | தெய்வச் செயலும், திறல்மிகு போரும், | | | செங்கோற் சிறப்பும், சீரியர் தன்மையும் | | | அனையன போலும் அமைவுஎலாம் பெருக்கிக் | | | கழறுதல் புராணமும் காவ்யமும் ஆமே. |
|
| மலை, ஆறு, ஊர், நாடு முதலியனவற்றின் வளப்பத்தையும், இறைவனின் திருவருளாடல்களையும், வன்மை மிகுந்தவர்களுக்கிடையே நடைபெறும் போர்களையும், மன்னனின் அரசாட்சிச் சிறப்பையும், சான்றோர்களின் இயல்புகளையும் இன்னோரன்ன அமைப்புகள் அனைத்தையும் நன்கு விரித்து விளக்கமாகக் கூறுதல் புராணம் எனவும், காவியம் எனவும் பெயர் பெறும் என்றவாறு. |
| அனையன போலும் என்றதனானே இருசுடர்த்தோற்றம், நன்மணம் புணர்தல் முதலாகக் கூறப்படுகின்ற பெருங்காப்பிய உறுப்புகள் அனைத்துங் கொள்க. (518) |
| 120. | பனுவலின் முகத்துத் திலகம் போல்வது | | | பாயிரம் ஆம்எனப் பகரத் தகுமே. |
|
| பாயிரம் என்பது எல்லாப் பனுவல்களுக்கும் முகத்தில் இடப்பெறும் பொட்டைப்போல் எழில் தருவதாகும் எனலாம் என்றவாறு. |
| “மாடக்குச் சித்திரமும் மாநகர்க்குக் கோபுரமும் |
| ஆடமைதோள் நல்லார்க்கு அணியும்போல்-நாடிமுன் |
| ஐதுரையா நின்ற அணிந்துரையை எந்நூற்கும் |
| பெய்துரையா வைத்தார் பெரிது.”1 |
| என்றார் பவணந்தியாரும். (519) |
|