| 77. | என்பு பெண்ணாகவும், ஈனச் சமணர் | | | வன்கழு ஏறவும், மறைக்கதவு அடைக்கவும் | | | காழியூர்ப் புலவன் கழறினன் தமிழே. |
|
| சீகாழியில் தோன்றிய திருஞான சம்பந்தப் பெருமான் மயிலப்பூரில் பூம்பாவையின் எலும்புகளை மீட்டும் உயிருள்ள பெண்ணாகுமாறும், மதுரையில் எண்ணாயிரம் சமணர்கள் கழுவேறுமாறும், திருமறைக்காட்டில் ஆலயக்கதவு அடைபடுமாறும் தேவாரப் பதிகங்களை அருளினார் என்றவாறு. (719) |
| 78. | நீற்றறை குளிரவும், நெடுங்கை வேழம் | | | அஞ்சவும், கற்றூண் ஆழியில் மிதப்பவும் | | | பைந்தமிழ்ப் பாடல் பகர்ந்தான் ஒருவனே. |
|
| ஒப்பற்றவராகிய திருநாவுக்கரசர் பல்லவன் தம்மை அடைத்த சுண்ணாம்புக்காளவாய் குறிர்ந்திருக்கவும், கொல்லும் பொருட்டு ஏவப்பட்ட யானை அஞ்சும்படியாகவும், தம்மைக் கட்டிக் கடலில் இட்ட கல் தெப்பமாக மிதக்கு மாறும் இனிய தமிழ்த் தேவாரப் பதிகங்களை அருளினார் என்றவாறு. (720) |
| 79. | பரமன் பாங்கன் ஆகவும், முதலை | | | உண்ட பிள்ளை உயர்ச்சியொடு ஒளிரவும் | | | நாவலூர்ப் புலவன் நவின்றனன் நன்றே. |
|
| திருநாவலூரராகிய சுந்தரர் சிவபெருமானே தம்முடன் தோழமை கொள்ளுமாறும், அவிநாசியில் சில ஆண்டுகளுக்கு முன்பு முதலைக்கு இரையாகிய ஓர் அந்தணச் சிறுவன் உரிய வளர்ச்சியோடு மீண்டும் மீளுமாறும் மிக நன்றாகத் தமிழ்த் தேவாரப் பதிகங்களை அருளினார் என்றவாறு. |
| சிவப்பிரகாஸர் சுந்தரர்பற்றிக் கூறுகையில் “படியிலா நின்பாட்டில் பரமன் நனிவிருப்பன்” என்றும், ‘செல்வத்திற் சிறந்த குபேரன் தோழனாயிருப்பதுபோல் கல்வியிற் சிறந்த |
|