| கொட்டிக் கிழங்க விற்றாள்; பூவரச மரத்தடியில் பயறு அவிப்பவளாகக் காடசி தந்தாள் என்பர். ஆனால் அருள் விளக்கம் குன்றியபோது அதே அம்பிகாபதி கொல்லப்பட்டான். அத் திருவருள்நிலையைக் காட்டவே இந் நூற்பா இங்கு இடம் பெறகிறது. (778) |
| 137. | கவிதை ஒன்றால் கதிரவன் குலத்து | | | மன்னவர் அனைவரும் மாண்டனர் அன்றே. |
|
| (சோழனின் பொறிப்பெட்டிலிருந்து அம்பு பாய்ந்து இறக்கும் தருவாயிலிருந்த) கம்பநாடன் பாடிய ‘வில்லம்பு சொல்லம்பு’ என்ற வெண்பாவால் சூரியன் மரபாகிய சோழ மன்னர் அனைவரும் மாய்ந்தனர் என்றவாறு. |
| இவ்வரலாறு முன் காட்டப்பட்டது. இதில் இடம்பெற்ற கவிதை “வில்லம்பு சொல்லம்பு மேதினியில் ரெண்டுண்டு; வில்லம்பிற் சொல்லம்பே மேலதிகம்-வில்லம்பு பட்டதடா என்மார்பில்; பார்வேந்தா நின்குலத்தைச் சுட்டதடா என்வாயிற் சொல்”1 என்னும் வெண்பாவாகும், |
| கம்பனுக்கு வாய்த்திருந்த தெய்வீக அருள் அச்சமயத்தில் அவன் உயிரைக் காக்காமல் கைவிட்டுவிட்டது; ஆனால் அதேசமயத்தில் அவன் இட்ட சாபம் நிசமாகியது, இதனால் திருவருளின் இயக்கம் எப்போது எப்படி இருக்குமென யாராலும் அறியமுடியாது என்பதை உணர்த்துவதே இந் நூற்பாவின் நோக்கம். இங்குக் கம்பன் பெற்றது முழுவெற்றி அன்று. (779) |
| 138, | செத்து நாறிய சினைஆடு எழுந்து | | | குட்டி ஈனிய கொள்கையும் பிறவும் | | | ஆய அருள்நிலை அடைவதற்கு அரிதே., |
|
| ஓர் இடையனிடமிருந்து வந்த சினை ஆட்டின் பிணம் ஒன்று உயிர்பெற்றெழுந்து இரு குட்டிகளைப் பெறுமாறு செய்த பேரருளும், தீமை கலவாத அதிசயச் செயல்களாகிய |
|