மாட்டு வகை
சிந்து
இராகம்: கல்யாணி. தாளம்: ஆதி.

குடைக்கொம்பன் முதல் வெள்ளைக் காளை வரை எல்லாம் மாட்டின் பெயர்கள். இவைகளும் இயற்கையோடு பொருத்தமான பெயர்களைப் பெற்றிருத்தல் காண்க.

(இ - ள்.) குடைக்கொம்பன்-குடைவளையாக வளைந்த கொம்புள்ள காளை. செம்மறையன்-உடலில் சிவந்த நிறத்துணுக்குகள் படரப்பெற்ற காளை. குத்துக்குளம்பன்-மிகவும் வளர்ந்த குளம்புகளையுடைய காளை. குற்றாலன்-குற்றாலத்திலிருந்து வாங்கிக் கொண்டு வந்த காளை. மடப்புல்லை-ஒரு வகை மழுகலான புல்லை நிறமுள்ள காளை. மயிலை-மயிலை நிறமுள்ளது. கருந்தோல் மேல் பசுமை வாய்ந்த வெள்ளை முடியுடையதாகக் காணப்படும் நிறத்தையே மயிலை என்பது வழக்கம். மேழை-முழுவத்தை இருபுறமும் தொங்கவிட்டு அடிக்கும் மேளக்காளை. மோழை என்பதன் திரிபு எனின் கொம்பில்லாதது என்று பொருள்படும்.

(வி - ம். ) “மேளக்குடைச் செவியன்” என்றும் பாடம் உண்டு. படைப்புப் பிடுங்கி-வைக்கோற் படப்பிலுள்ள வைக்