உவகையின் எழுதரு கண்பனியென்று கூட்டி உவகையினால்எழுந்த இன்பக் கண்ணீரென்று பொருள் கொள்ளுதலும் பொருந்தும்(சீவக. 1043.)

    ஒப்புமைப் பகுதி 1-2. வாடை துயர்தருதல்: குறுந். 103:4, ஒப்பு.

    3. கனங்குழை: குறள், 1081.

    4-5. நெய் பெய்து மாட்டிய சுடர்: “நெய்சொரிந்து, பரூஉத்திரி கொளீஇய குரூஉத்தலை நிமிரெரி” (நெடுநல். 102-3.)

    3-5. மகளிர் மாலையில் விளக்கேற்றுதல்: “மங்கையர், நெய்யுமிழ்சுரையர் நெடுந்திரிக் கொளீஇக், கையமை விளக்க நந்துதொறுமாட்ட” (முல்லைப். 47-9); “மாலை... இனியோள், மனைமாண் சுடரொடு படர்பொழு தெனவே” (நற். 3: 6-9); “எல்வளை மகளிர் மணிவிளக் கெடுப்ப, மல்லன் மூதூர் மாலைவந் திறுத்தென”, “மாலை மணிவிளக்கங்காட்டி யிரவிற்கோர், கோலங் கொடியிடையார் தாங்கொள்ள” (சிலப். 4:19-20, 9: 3-4); “பைந்தொடி மகளிர் பலர்விளக் கெடுப்ப” (மணி. 5:134); “அகினா றங்கை சிவப்ப நல்லோர், துகிலின் வெண்கிழித் துய்க்கடைநிமிடி, உள்ளிழு துறீஇய வொள்ளடர்ப் பாண்டிற், றிரிதலைக் கொளீஇ யெரிதரு மாலை” (பெருங். 1.33:91-4.)

    6. தலைவர் வந்தாரென்று தலைவியர் விருந்தயர்தல்: குறுந். 33,வி-ரை; 155:6, ஒப்பு.

    7. மெய்ம்மலி யுவகை: நற். 43:7; கலி. 40:32; அகநா. 262: 12-3, 272:2; புறநா. 45:9.

    8. கண்பனி அரக்குதல்: “பெருமதர் மழைக்கண் வருபனியரக்கி”, “வடிவே லுண்கண் வருபனி யரக்கி” (பெருங். 1.33:136, 36:99.)

(398)

தலைவி கூற்று

(வரைவு நீட்டித்த காலத்துத் தலைவி தோழியை நோக்கி, “தலைவர் உடனுறையின் நீங்கியும் பிரியின் ஒன்றியும் நிற்கின்றது பசலை” என்றுகூறியது.)

399.	ஊருண் கேணி யுண்டுறைத் தொக்க
	பாசி யற்றே பசலை காதலர்
	தொடுவுழித் தொடுவுழி நீங்கி
	விடுவுழி விடுவுழிப் பரத்த லானே.

என்பது வரைவு நீட்டித்தவிடத்துத் தலைமகள் தோழிக்குச் சொல்லியது.

பரணர்.

     (பி-ம்.) 1. ‘யுண்டுறை தொக்க’; 4. ‘வி்டுவுழி பரத்தலானே’.

    (ப-ரை.) தோழி, பசலை - பசலையானது, காதலர் - தலைவர், தொடுவுழி தொடுவுழி - நம்மைத் தீண்டுந்தோறும்,