பரணர். (பி-ம்.) 4. ‘மைய னோக்க’; 5. ‘இன்கடுங் களிற்றின்’, ‘னஃகுதை’,‘னகுதைதந்தை’; 7. ‘யானந்’; 8. ‘குறித்தவ’.
(ப-ரை.) தோழி , சேரி சேர - நம்முடைய தெருவின்கண் அடைய, மெல்ல வந்து வந்து , அரிது வாய்விட்டு -அருமையின் வாய்திறந்து, இனிய கூறி - நம் சிந்தைக்குஇனியவற்றைக் கூறி, வைகல் தோறும் - நாள்தோறும்,நிறம் பெயர்ந்து உறையும் அவன் - தான் நினைத்ததொன்றுகைகூடாமையின் ஒளிமாறித் தங்குகின்ற அத்தலைவனது,பைதல் நோக்கம் - துன்பத்தைப் புலப்படுத்தும் பார்வையை, நினையாய் - நினைத்துக் காண்பாயாக; அவன் நெடுபுறம் நிலை - அவன் நீண்ட நேரம் இங்ஙனம் என் பின்நிற்றல், இன் கடு கள்ளின் - இனிய கடுமையையுடைய கள்ளையுடைய, அகுதை பின்றை - அகுதைக்குப் பின்நின்ற, வெள் கடை சிறு கோல் அகவல் மகளிர் - வெள்ளியமுனையையுடைய சிறிய கோலைக் கொண்ட அகவன்மகளிர் பெறும், மடம் பிடி பரிசில் மான - மடப்பம்பொருந்திய பிடியாகிய பரிசிலைப் போல, பிறிது ஒன்று குறித்தது - நம்மைக் கண்டு இனிய கூறுதலேயன்றி வேறுஒன்றைக் கருதியதாயிற்று.
(முடிபு) தோழி, சேரி சேர வந்து வாய்விட்டுக் கூறிப் பெயர்ந்துஉறையும் அவன் நோக்கம் நினையாய்; அவன் நிலை பரிசில் மானப்பிறிதொன்று குறித்தது.
(கருத்து) தலைவன் மடலேற நினைந்தான்.
(வி-ரை.) இனிய கூறுதலாவது, ‘நீவிர் வேண்டும் குறை முடித்துத்தருவேன்’ என்றல். தலைவன் தன்குறையை வாய்விட்டுக் கூறாதுவருந்துதல்,
| “கயமல ருண்கண்ணாய் காணா யொருவன் |
| வயமா னடித்தேர்வான் போலத் தொடைமாண்ட |
| கண்ணியன் வில்லன் வருமென்னை நோக்குபு |
| முன்னத்திற் காட்டுத லல்லது தானுற்ற |
| நோயுரைக் கல்லான் பெயருமற் பன்னாளும்” (கலி. 37:1-5) |
என்பதிலும் காணப்படும்.
நினையாயென்றது, நினைந்து அவன் குறை தீர்க்க வேண்டுமென்னும்பொருட்டு.
இன் கடுங்கள் - உண்ணற்கினிமையும், மயக்கந் தருதலிற் கடுமையும் உடைய கள். அகவன் மகளிர்: குறுந். 23 - ஆம் செய்யுளைப் பார்க்க. வெண் கடை - வெள்ளிய நுனி; என்றது வெள்ளியாற் செய்த பூண்கட்டிய நுனியை.
அகுதை: மதுரையிலிருந்த ஓர் உபகாரி.
தலைமகள் குறை மறாதபடி கூறுவதாதலின், பிறிதென்றது இங்கேமடலேறுதலைக் குறித்தது. புறநிலை - பின்னிற்றல்; வழிபட்டு நிற்றல்;
| “என்குறைப் புறனிலை முயலும் |
| அண்க ணாளனை நகுகம் யாமே” (அகநா. 32:20-21) |
என்பதன் உரையைப் பார்க்க.
ஒப்புமைப் பகுதி 3: கம்ப. கடல்காண். 6.
4. பைதல் நோக்கம்: அகநா. 38:15.
3-4. குறை வேண்டிய தலைவன் மெலிதல்: குறுந். 74:5.
5. இன்கடுங்கள்: குறுந். 330:5; நற்.10:5; அகநா. 137:6; புறநா. 80:1.
இன்கடுங்கள்ளின் அகுதை: அகநா. 76:3.
6. அகவன் மகளிர்: குறுந். 23:1.
அகவன் மகளிர் கோல் உடையராதல்: “நுணங்குகட் சிறுகோல்வணங்கிறை மகளிரொ, டகவுநர்”, “நுண்கோ லகவுநர்” (அகநா. 97:10-11, 152:4, 208:3.)
5-7. அகுதை யானை வழங்குதல்: அகநா. 113:4; புறநா. 233:2-3.
8. நெடும்புற நிலை: அகநா. 58:14, 220:11.
புறநிலை: நற். 306:11.
(298)