தும்பிசேர் கீரனார் (பி-ம். தும்பிசோகினார்). (பி-ம்) (பி-ம்.) 1. ‘மணிச்சிறைத்’; 2. ‘யவர்நாட்டுத்தெண்ண’; 4. ‘கடவை’, ‘துடவைய’; 5. ‘துளிரெற’ி; 6. ‘தமராற்’; 7. ‘நிரைசேர் நுண்டேர்போல’;8. ‘மலைகிழவோற்கே’.
(ப-ரை.) அணி சிறை தும்பி - அழகிய சிறகுகளையுடைய தும்பியே, அம்ம - ஒன்று கூறுவன் கேட்பாயாக,நல் மொழிக்கு அச்சம் இல்லை - நல்ல மொழிகளை ஒருவர்பால்கூறுந்திறத்தில் அச்சம் இல்லை, அவர் நாடு - அத்தலைவருடய நாட்டிலுள்ள, அண்ணல் நெடு வரை சேறி ஆயின் - தலமையையுடைய உயர்ந்த மலைக்குச் செல்வாயாயின்,ரசர் நிரை செலல் நுண் தோல் போல - அரசர்களது வரிசையாகச் செல்லுதலையுடைய நுண்ணிய கேடகங்களைப் போல,பிரசம் தூங்கும் மலைகிழ வோர்க்கு - தேனடைகள் தொங்குகின்ற மலையையுடைய தலைவரிடத்தில், கடமை மிடைந்த -கடமை மான்கள் நெருங்கிய, துடவை அம் சிறுதினை - தோட்டத்திலுள்ள அழகிய சிறுதினையிடத்தே, துளர் எறிநுண்துகள் களைஞர் தங்கை - களைக்கொட்டை எறிவதனால்உண்டாகிய நுண்ணிய புழுதியையுடைய களையெடுப்பாருடைய தங்கையாகிய தலைவி, தமரின் தீராள் - தன் சுற்றத்தாரிடத்தினின்றும் நீங்காளாயினாள்; என்மோ - என்றுகூறுவாயாக.
(முடிபு) தும்பி, அச்சம் இல்லை; சேறியாயின் மலைகிழவோர்க்கு, களைஞர் தங்கை தீராளென்மோ.
(கருத்து) வண்டே, தலைவியினுடைய நிலையை நீ போய்த் தலைவனுக்குச் சொல்லுவாயாக.
(வி-ரை.) தலைவன் வரைந்து கொள்வதாக உறுதி கூறியும் நீட்டித்த காலத்தில் தோழி கூறியது இது. வண்டை நோக்கிக் கூறினாளாயினும், சிறைப்புறத்தானாகிய தலைவனுக்கு உணர்த்துவதே அவள் கருத்து.
வாழியோ: அசை நிலை; தும்பியால் முடித்துக்கொள்ளும் குறை யுடைமையின் அதனை வாழ்த்தியதுமாம். மணிச்சிறையென்னும்பாடத்திற்கு, நீலமணியைப் போன்ற சிறகென்று பொருள் கொள்க.
‘நன்மொழிக்கு அச்சமில்லை’ என்றது, தான் கூறப்புகுவது நன்மை பயப்பதென்னும் கருத்தை உண்டாக்கியது. துளரெறிந்தமையால் மண்ணின் துகள் மேனியிற் படிந்தது. துளர் - களைக்கொட்டு (மலைபடு. 122,உரை)
தமரிற்றீராளென்றது, தலைவனால் வரையப்பட்டுத் தலைவனோடிருந்து இல்லறம் நடத்தற்குரியவள் இனும் தமரோடு வாழும் வாழ்க்கையையேயுடைய வளாயினாளென்னும் குறிப்பினது. மோ:முன்னிலையசை.
தமரின்தீராள் - தமர் செய்யும் கொடுமை உயிர் நீக்குமள வினதா யிருப்பவும், இன்னும் வாழ்வாளாயினாளென்று பொருள் கொள்ளுதலும்ஒன்று; இக்கருத்து தமரது காப்புமிகுதி முதலிய கொடுமைகளைத்தலைவனுக்கு அறிவுறுத்துவது.
நுண்டேர்போலவென்ற பாடத்திற்கு நுண்ணிய கைத்தொழிலையுடைய தேரைப்போலவெனப் பொருள் கொள்க. ஏ: ஈற்றசை.
தும்பியை விளித்துக் கூறியதாக அமைத்தமையின் அசை செய்யுளைப் பாடிய புலவர் தும்பிசேர் கீரனாரென்னும் பெயர் பெற்றார் போலும்.
ஒப்புமைப் பகுதி 1. அணிச்சிறைத் தும்பி: “அஞ்சிறைத்தும்பி” (குறுந். 2:1, ஒப்பு.) பி-ம். மணிச்சிறைத்தும்பி: கலி. 46:2.
3. அண்ணல் நெடுவரை: குறிஞ்சிப். 54; அகநா. 75:8.
8. பிரசந்தூங்கு மலை: குறுந். 273:5, ஒப்பு.
7-8. தேனடைக்குக் கேடகம்: சீவக. 1561.
மு. வண்டுவிடு தூது: நற். 277.
(392)