தன்னென்றது தலைவனை. தெற்றென - யான் தலைவனை அகப் படுத்தலின்றி அவன் தானே வலிய என்பாற் படுடிதல் விளங்கும்படி.

     துணங்கை - மகளிர் விளையாட்டில் ஒன்று; இந்நூல் 31-ஆம்செய்யுளைப் பார்க்க. அத்துணங்கையில் தலைவன் தலைக்கை தருவான்.

     விழாவில் துணங்கையும் மள்ளர் போரும் ஒருங்கே நிகழும் (குறுந். 31; கலித். 27:19-20, 24, 30:13-4.)

     ஒப்புமைப் பகுதி 1. அரிற்பவர்ப் பிரம்பு: குறுந். 91:1.

     1-2. நீர்நாய் வாளை நாளிரை பெறுதல்: “பொய்கைப் பள்ளிப்புலவுநாறு நீர்நாய், வாளை நாளிரை பெறூஉ மூர” (ஐங். 63:1-2);“நாளிரை தரீஇய வெழுந்த நீர்நாய், வாளையொ டுழப்ப”, “பொய்கை நீர்நாய்ப் புலவுநா றிரும்போத்து, வாளை நாளிரை தேரு மூர” (அகநா. 336:4-5, 386:1-2); “வாளை நீர்நாய் நாளிரை பெறூஉ” (புறநா.283:2);பெரிய. 38:115; கம்ப. பம்பைப். 22.

     3. கோல் அவிர்தொடி: குறுந். 356:8, ஒப்பு. தகுவி: அகநா. 196:13.

     6. வணங்கிறைப் பணைத்தோள்: புறநா.32:3. பணைத்தோள்:குறுந். 268:6, ஒப்பு.

     5-6. மகளிர் துணங்கை: குறுந். 31:2, ஒப்பு.

     5-8. தலைவன் பரத்தையரோடு துணங்கையயர்தல்: நற். 50: 1-3; கலி. 66: 17-8, 70: 13-4, 73: 16-7; அகநா. 176:15. மு. அகநா. 336.

(364)

தோழி கூற்று

(''யான் வரையுமவ்வளவும் தலைவி ஆற்றுவளோ?” என்று கேட்டதலைவனை நோக்கித் தோழி, “இவள் ஆற்றாள்” என்பது படச்சொல்லியது.)

365.	கோடீ ரிலங்குவளை நெகிழ நாளும்
	பாடில கலிழ்ந்து பனியா னாவே
	துன்னரு நெடுவரைத் ததும்பிய வருவி
	தண்ணென் முரசி னிமிழிசை காட்டும்
5	மருங்கிற் கொண்ட பலவிற்
	பெருங்க னாடநீ நயந்தோள் கண்ணே.

என்பது “யான் வரையுந்துணையும் ஆற்றவல்லளோ?” என்று வினாய கிழவற்குத் தோழி சொல்லியது.

மதுரை நல்வெள்ளி.

     (பி-ம்.) 1.'நாடொறும'்; 2. 'கழிந்து', 'கலுழுந்துனியானாவே';3. 'ததும்பியருவ'ி; 4.'தண்ணென் முழவின'்; 5.'னாடனீ', 'னாடநின்'.

     (ப-ரை.) துன் அரு நெடு வரை ததும்பிய அருவி - அணுகுதற்கரிய நெடிய மலைப்பக்கத்திலே ஒலித்தஅருவியானது, தண்ணென் முரசின் - தண்ணென்ற ஒலியையுடைய முரசைப்போல, இமிழ் இசை காட்டும் - ஒலிக்கின்ற