(கு - ரை) 1-3. விழா பெருமையோடு விளங்கிய அகன்ற தன்
ஊரினிடத்தே, கூத்தரது முழவின் முன்னர் ஆடுதலை வல்லவன் அல்லன்;
அவன் கண்ணி வாழ்வதாக.

     4. வெற்றியுண்டாதற்குக் காரணமான முரசம் ஒலிப்ப, வாளை உயர வீசி.
வலம்படு முரசம்: பதிற். 17 : 5, உரை.

     5. விளங்குகின்ற ஆபரணங்களை அணிந்து, பொன்னாற் செய்த
கொடியாகிய உழிஞையினது பூவைச் சூடி.

     6-8. அறியாமை மிகுதலால் பகைகொண்டு படையெடுத்துவந்த
பகைவேந்தர் தம் உடம்பை மறத்தற்குக் காரணமான வெற்றிச்செல்வம்
அழிந்துகெட்ட போர்க்களத்தில் ஆடு அரசன்; "கழித்துவா ளமலை யாடிக்
காட்டுவார்" (சீவக. 783)

     ஆடுகோ (8) ஆடல் (2) வல்லானல்லன்; அவன் கண்ணி வாழ்க (3)
என முடிவு செய்க.

     கண்ணியை வாழ்த்தல்: பதிற். 54 : 2, உரை

     மு. "தேரின்கண் வந்த அரசர்பலரையும் வென்ற வேந்தன் வெற்றிக்
களிப்பாலே தேர்த்தட்டிலே நின்று போர்த்தலைவரோடு கை பிணைந்து
ஆடும் குரவை' (தொல், புறத், 21. ந.) (6)

     துறை - விறலியாற்றுப்படை. வண்ணமும் தூக்கும் அது. பெயர்
- சில்வளை விறலி (6)

     (ப - ரை.) மறவர் மிடறபக் (1) களத்தோன் (3) எனக் கூட்டுக.

     3. பனிற்றுதல் - தூவுதல்; பனிற்றுவது புண்பட்ட வீரருடலெனக்
கொள்க. களமென்றது ஈண்டுக் களத்தையணிந்த பாசறையினை.