துறை - செந்துறைப் பாடாண்பாட்டு. வண்ணமும் தூக்கும் அது.
பெயர் - நாடுகா ணெடுவரை (7)

     (ப - ரை) 3. ஒன்னாப் பூட்கை - பிறர்க்கு அப்படிச்செய்யப்
பொருந்தாத மேற்கோள். சென்னியர் பெருமானை யென்பதனுள், ¹இரண்டாவது
விகாரத்தால் தொக்கது.

     4. முத்தைத் தம்மென - முன்னே தம்மினென; ²முந்தை முத்தையென
வலித்தது.

     முதல்வர்போல (5) அறம் புரிந்து வயங்கிய (9) என முடிக்க.

     9-10. அறம்புரிந்து வயங்கிய கொள்கையென்னாது மறம்புரி யென்றது
அறத்திற்கு இடையீடுபட வருவழி அதனைக் காத்தற்கு அவ்வறக்கொள்கை
மறத்தொடு பொருந்துமென்றதற்கு.

     7. நாடுகாண் நெடுவரையென்றது தன்மேல் ஏறி நாட்டைக் கண்டு
இன்புறுதற்கு ஏதுவாகிய ³ஓக்கமுடைய மலையென்றவாறு.

     இச்சிறப்பானே இதற்கு, ‘நாடுகாணெடுவரை’ என்று பெயராயிற்று.

     8. ⁴சூடாநறவு : மதுவிற்கு வெளிப்படை.

     கொள்கையைப் (10) பாடிய (12) என இரண்டாவது விரித்து முடிக்க.

     ⁵நனவிற் பாடிய (12) என்றது வயங்கிய செந்நாவினாலும் (10) உவலை
கூராக் கவலையில் நெஞ்சினாலும் (11) மெய்ம்மையாற் பாடிய (12) என்றவாறு.

     ¹உயர்திணைப் பெயரிடத்து ஒழியாது வரவேண்டுமென்பது விதியாதலின்
இங்ஙனம் கூறினார்.
     ²இட்டவென்பதற்கேற்ப வலித்தல் விகாரம் பெற்றது.
     ³ஓக்கம் - ஓங்குதல் : மலைக்குரிய ஓங்கலென்னும் பெயர்ப்பொருள்
இங்கு அறியத்தக்கது.
     ⁴சூடப்படும் நறவம்பூவும் உண்மையின் சூடாநறவு மதுவிற்கு ஆயிற்று.
     ⁵நனவு - மெய்ம்மை (புறநா. 41 : 11, உரை)