31. ஊழி ஆக - நெடுங்காலம் வாழ்வு உண்டாகும்படி.

     32-7. மாதேவியின் சிறப்பு.

     32. மண்ணாவாயின்-எண்ணெய் பூசுதல் முதலியன செய்யாவிடத்தும்:
உம்மை தொக்கது. இயற்கை மணம் உள்ளதென்றபடி.

     33. கார்காலத்து மலரும் முல்லைப்பூ மணக்கின்ற தாழ்ந்த கரிய
கூந்தல். முல்லைப்பூ கற்புக்கு அடையாளம்.

     33-5. கூந்தலினின்றும் நீங்கினவைபோல. மழைக்கண்கள்
கூந்தலினின்று ஒருவின மலரைப் போல இருந்தன. அலமரும் - சுழலும்.

     36-7. அசைகின்ற காந்தள் மலர் விளங்கும் நீரையுடைய நிலத்தில்
முளைத்த மூங்கிலையொத்த தோளையுடைய இவள். இவள் என அண்மைச்
சுட்டாற் குறித்ததனால், இச்செய்யுள் சேரனும் அவன் பெருந்தேவியும்
ஒருங்கிருந்தவழிப் பாடப்பெற்றதாகத் தோற்றுகிறது.

     38. வெள்ளம்-ஒரு பேரெண். ஆயிர வெள்ளம் வாழிய : பதிற்.
63 : 20 - 21.

     30-38. மழை சுரந்து ஊழியாக இவளோடு நீ வாழிய.

     (பி - ம்) 1 - 2. நெஞ்ச, மைந்து. 10. ஊனைத்தழித்த. 12 - 3.
செழுநகர்வரைப்பி, னடுவணெழுந்த. (1)