(பி - ம்.) 11 ‘அழுங்கப்’

திணையும் துறையும் அவை.

அவனை அவர் பாடியது.

(இ - ள்.) சதங்கை வாங்கப்பட்டகாலிலே ஒள்ளிய வீரக்கழலினைச் செறித்துக் குடுமியொழிக்கப்பட்டசென்னிக்கண்ணே வேம்பினது ஒள்ளிய தளிரை நெடியகொடியாகியஉழிஞைக்கொடியோடு சூடிக் குறிய வளைகளையொழிக்கப்பட்டகையின்கண்ணே வில்லைப் பிடித்து நெடிய தேரினது மொட்டுப்பொலிவுபெற நின்றவன் யாரோதான்? யாரேயாயினும்,அவன் கண்ணி வாழ்வதாக; தாரையணிந்து ஐம்படைத்தாலிகழித்ததும் இலன்; பாலையொழித்து உணவும் இன்றுண்டான்;முறைமுறையாக வெகுண்டு மேல்வந்த புதியவீரரை மதித்ததும்அவமதித்ததும் இலன்; அவரை இறுகப் பிடித்துப் பரந்தஆகாயத்தின்கண்ணே ஒலியெழக் கவிழ்ந்து உடலம் நிலத்தின்கண்ணேபொருந்தக் கொன்றதற்கு மகிழ்ந்ததுவும், இவ்வாறுசெய்தேமென்று தன்னை மிகுத்ததுவும் அதனினும் இலன்-எ- று.

யார்கொலென்றது வியப்பின்கட்குறிப்பு.

இழித்தன்றென்பது இழிந்தன்றெனமெலிந்துநின்றது.

(கு - ரை.) 1. கிண்கிணிக்கால் :புறநா. 198 ; 5, கழல் தொட்டு புறநா. 83 : 1.

2. குடுமி களைதல் : “ஏந்து, நெடுமதில்கொண்டு நிலமிசையோரேத்தக், குடுமி களைந்தானெங்கோ” (பு - வெ. 109). நுதல் - முன்தலை.

2-3. புறநா. 76 : 4 - 5, குறிப்புரை.பவர் - கொடி.

1-4. புறநா. 72 : 2, குறிப்புரை.

5. நெடுந்தேர்க் கொடுஞ்சி: மதுரைக்.752; மணி. 4 : 48; “நெடுந்தேர்க் கொடுஞ்சி பற்றி,நின்றோன்” (அகநா. 110 : 24 - 5); கலித். 85: 18.

6. கண்ணியை வாழ்த்தல்: புறநா.198 : 11; “வாழ்க நின் கண்ணி வாய்வாள் வேந்தென”(மணி. 18 : 63);

“வாழ்கநுங் கண்ணி மாதோ” (சீவக.1890); “வண்டார் கமழ்கண்ணி வாழ்கென்று” (பு.வெ. 13)

7. தாலி - ஐம்படைத்தாலி; காத்தற்கடவுளான திருமாலின் சங்கம், சக்கரம், கதை, கட்கம்,சார்ங்கம் என்னும் ஆயுதங்களின் வடிவமாக அமைக்கப்படும்ஓர் ஆபரணம். இதனைப் பஞ்சாயுதமென்றும், பிறந்தஐந்தாநாளில் பிள்ளைகளுக்கு இதனை அணிவித்தல்மரபென்றுங் கூறுவர்; “பொன்னுடைத் தாலியென்மகன்”(அகநா. 54); “மழலை, சிந்துபு சின்னீ ரைம்படைநனைப்ப”, “ஐம்படைத் தாலி........புதல்வர்”(மணி. 3 : 137-8, 7 : 56 - 7); “எழிலார்திருமார்பிற் கேற்கு மிவையென், றழகிய வைம்புடையுமாரமுங் கொண்டு” (பெரியாழ்வார் திருமொழி,1 : 4 - 5); “பண்டுவசு தேவன்மக னாகிநில மாதின்படர்களையுமாயனிவ னென்றுதெளி வெய்தத், தண்டுதனு வாள்பணில நேமியெனுநாமத் தன்படைக ளானதிரு வைம்படை தரித்தே” (கலிங்கத்.அவதாரம், 9); “தாலி யைம்படை தழுவு மார்பிடை”(கம்ப. நாடு. 58); “ஐம்படை மார்பிற் காணேன்”(திருவிளை. 39 : 25)

9. வம்பமள்ளர் : புறநா. 78 : 7, 79: 5.

7-10. “இந்த றகரஉகரம் ‘தாலிகளைந்தன்றுமிலனே’எ - ம், ‘வியந்தன்றுமிழிந்தன்று மிலனே’ எ - ம்உயர்திணைக்கண்ணும் வந்ததாலெனின், அவை ‘களைந்தான்’‘வியந்தான்’, ‘இழிந்தான்’ என்பனவற்றிற்குமறையாய்க் ‘களைந்திலன்’ ‘வியந்திலன்’ ‘இழிந்திலன்’என நிற்கின்றவை ‘களைந்தன்றுமிலன்’ ‘வியந்தன்றுமிலன்’ ‘இழிந்தன்றுமிலன்’ என முற்று வினைத்திரிசொல்லாய்நின்றன” (தொல். வினை. சூ. 20, ந.)

10-11. பெரும்பாண். 419; மலைபடு.386.

13. அகத்தடக்கல் : புறநா. 6 : 25.192 : 13.

9-13. நெடுஞ்செழியனுடைய வீரமிகுதியையும்ஆழமுடைமையையும் இவ்வடிகள் தெரிவிக்கும் இனிமை மிகப்பாராட்டற்பாலது.

மு. உழிஞைத்திணைத்துறைகளுள்ஒன்றாகிய ‘திறற்படவொரு தான் மண்டிய குறுமையும்’என்பதற்கு மேற்கோள் (தொல். புறத்திணை. சூ.10, இளம்.); ‘மதிமைசாலா மருட்கையானே.....கிண்கிணிகளைந்தகா லொண்கழ றொட்டென்னும் பாட்டுச்சிறியோர் பெருந்தொழிலைச் செய்தது’ (தொல்.மெய்ப்பாடு. சூ. 7, பேர், இ. வி. சூ. 578, உரை)