(பி - ம்.) 1 ‘மதனுடைநோன்றாள்’

திணையும் துறையும் அவை.

அவனை அவர் பாடியது.

(இ - ள்.) வளைந்த ¹ சந்துகளாற்பொலிந்த வலிபொருந்திய போரின்கண் நிலைதளராதபொறையினையுடைய தாளினையும் வருத்துவதற்கரியமிக்க வலியையுமுடைய என் இறைவன் மூரிநிமிர்ந்துமுழையின்கட் கிடந்த புலி தான்விரும்பியதோர்இரையை நோக்கிவந்தாற்போன்ற மாறுபடுதற்கரியமார்பத்தை மதியாராய் ஆர்த்து எழுந்திருந்து, ‘சிறப்புடையேம்,படையாற் பெரியேம் யாங்கள், நம்மிற் பொருவானும்இளையன், கொள்ளையும் பெரிது’ என இகழ்ந்துவந்த ²நிலையில்லாத வீரர் புற்கென்ற கண்ணராய் நின்றவிடத்துநில்லாது புறத்தே போக அவரை இப்போர்க்களத்தின்கண்ணேகொன்றிடுதலும் உடம்படானாய் அவ்விடத்து அவர்மாட்சிமைப்பட்ட ஆபரணத்தையுடைய மகளிர் நாணினராய்இறந்துபடத் தந்தையருடையவாகிய தங்களூரிடத்துத்தெளிந்த போர்ப்பறை யொலிப்பச் சென்று அவ்விடத்தேகொன்றான்-எ - று.

தந்தைதம்மூரென்றதனை, “ஏவ லிளையர்தாய்வயிறு கரிப்ப” என்றாள்போலக் கொள்க.தந்தைதம்மூரென்றது, தாம் தோன்றிச் செய்த நகரியன்றிஉறையூரும் கருவூருமுதலாகிய ஊர்களை.

(கு - ரை.) 2. என் ஐ-எனதுதலைவன்; புறநா.84 : 1, 85 : 1, 89 : 9, 262 : 5; “என்னைமுன் னில்லன்மின்”(குறள், 771). முணங்கு நிமிர்தல்-வளைவு நிமிர்தல்.புறநா. 52 : 2. குறிப்புரை.

4. புறநா. 10 : 9-10, குறிப்புரை.

1-4. புறநா. 52 : 1 - 4, குறிப்புரை.

6. இளையன் : புறநா. 72 : 2,குறிப்புரை.

7. வம்பமள்ளர் : புறநா. 77 : 9, 79: 5.

9. அவரடுதல்; இரண்டாம் வேற்றுமைத்தொகை.

12. கிணைகறங்கச் செல்லல் : புறநா.76 : 8, குறிப்புரை.

9-12. “சிறுபடையான் செல்லிடஞ்சேரி னுறுபடையா, னூக்கமழிந்து விடும்” “சிறைநலனுஞ்சீரு மிலரெனினு மாந்தர், உறை நிலத்தோ டொட்டலரிது” (குறள், 498-9). உழிஞையைச் சூடிய வீரன்பகைவருடைய மதிலைச்சூழ்ந்து போர்செய்ய வேண்டுமென்பதுவிதியாதலாலும் இச்செழியன் உழிஞை சூடியவனாதலாலும்இங்ஙனம் போர் செய்வானாயினனென்பதுமொன்று; புறநா.76, 77-ஆம் பாடல்களைப் பார்க்க. (78)

1 சந்து-மூட்டுவாய;் “இருகாலுஞ்சந்துபோனால்” (காளமேகம்)

2 “வம்புநிலை யின்மை” (தொல்.உரி. சூ. 29)