திணை - பாடாண்டிணை; துறை -வாழ்த்தியல்.

சோழன்முடித்தலைக்கோப்பெருநற்கிள்ளிகருவூரிடஞ்செல்வானைக் கண்டுசேரமானந்துவஞ்சேரலிரும்பொறையொடு ¹வேண்மாடத்து மேலிருந்து உறையூர் ஏணிச்சேரிமுடமோசியார் பாடியது. (13)

(இ - ள்.) இவன் யாரென்றுவினவுவாயானின், இவன்றான், புலியினது தோலாற்செய்யப்பட்ட மெய்புகுகருவி பொலிந்த கொளுத்தறஎய்த அம்புகள் போழப்பட்ட பரந்துயர்ந்தமார்பினையுடைய கூற்றம் போன்றகளிற்றின்மேலோன்; இக்களிறுதான்,கடலின்கண்ணே இயங்கும் மரக் கலத்தையொப்பவும்பலமீனினது நடுவே செல்லும் மதியத்தை யொப்பவும்சுறவினத்தையொத்த வாண்மறவர் சூழத் தன்னைமருவிய பாகரை யறியாது மதம்பட்டது; இவன்நோயின்றிப் பெயர்வானாக; வயலிடத்துமயிலுதிர்த்த பீலியை ஆண்டுள்ள உழவர்நெற்சூட்டுடனே திரட்டும் கொழுவிய மீனையும்விளைந்த கள்ளையுமுடைய மிக்க நீராகியவேலியையுடைய நாட்டையுடையோன் - எ - று.

களிற்றுமிசையோனாகிய இவன் யாரென்குவையாயின்,நாடுகிழவோன்; இவன் களிறு மதம்பட்டது; அதனால்,இவன் நோயின்றிப் பெயர்கவெனக் கூட்டி வினைமுடிவுசெய்க.

களிற்றுக்கு நாவாயோடு உவமைஎதிர்ப்படையைக் கிழித்தோடலும், திங்களோடுஉவமை வாளோர் சூழத் தன் தலைமைதோன்றச்செல்லுதலுமாகக் கொள்க.

தில் : விழைவின்கண் நின்றது.

பெருநற்கிள்ளி களிறு கையிகந்துபகையகத்துப் புகுந்தமையான் அவற்குத்தீங்குறுமென்று அஞ்சி வாழ்த்தினமையால், இதுவாழ்த்தியலாயிற்று; இவற்குத் தீங்குறின்நமக்குத் தீங்குறுமென்னுங் கருத்தால்நோயிலனாகிப் பெயர்கவென்றாராயின்,வாழ்த்தியலாகாது; துறை, பாட்டுடையானது என்றுணர்க.

(கு - ரை.) “இவன் யார்.....இவனேயென்னும்புறப்பாட்டினுட்சேரனை முன்னிலையாக்கி முடமோசியார் கூறுகின்ற காலத்துஇவனென்பது முன்னிலைப்படர்க்கையாய் நின்றது” (தொல்.எச்ச. சூ. 68, ந.) ; “இவன் யார்.....இவனேயென்னும்புறப்பாட்டினுள் இவனென்பது முன்னிலைப் படர்க்கையாய்நிற்றலும் இன்னோரன்ன பிறவும் இப்புறனடையானேஅமைத்துக்கொள்க.” (இ. வி. சூ. 372, உரை)

2. “புலிப்பொறிப் போர்வைநீக்கி” (சீவக. 266)

3. எழில் - எழுச்சி; “நுண்மாணுழைபுல மில்லா னெழில்” (குறள். 407)

2 - 4. “தன்மையென்பது சாதியியல்பு;பார்ப்பார் அரசர் இடையர் குறவரென்று இன்னோர்மாட்டு ஒருவரை யொருவர் ஒவ்வாமற் கிடக்கும் இயல்பு;அது மெய்த்தன்மையின்கண் வேறுபட்டு வருதலின் மெய்ப்பாடாயிற்று;.........‘புலிநிறக்கவசம் பூம்பொறி சிதைய.....களிற்று மிசையோனே‘எனவும்......வரும்” (தொல். மெய்ப். சூ. 12. இளம்.)

5. களிற்றிற்கு நாவாயுவமை ; கலித்.132 : 5-7; “நளிகடலிருங் குட்டத்து, வளிபுடைத்த கலம்போலக்,களிறு சென்று களனகற்றவும்” (புறநா. 26 : 1 - 3);“வீங்கு நோன்கயிறு...கடாஅயானையும்” (மதுரைக்.376 - 83); “நீயா னடுங்க...........கால வேகங் களிமயக்குற்றென”(மணி. 4 : 29 - 44)

6. புறநா. 396 : 25 - 7; பதிற்.90 : 17 - 8.

7. “எறிசுற விளையவர்”, “கோட்டுமீன்குழாத்தின் மள்ளரீண்டினர்”, “தூத்திரட்சுறாவினந் தொக்கபோன் மறவரும்” (சீவக.1446, 1845, 2325). பலபொருளோடு பலபொருள்கள் உவமையாய்வந்ததற்கு இவ்வடி மேற்கோள்; இ. வி. சூ. 639, உரை.

5 - 8. பல பொருளோடு பல பொருள்உவமையாய் வந்ததற்கு மேற்கோள்; தண்டி. சூ. 30,உரை.

11. சூடு - நெல்லரி; “சூடுகோ டாகப்பிறக்கி” (பொருந. 243)

10 - 11. “எல்வளை மகளிர் தெள்விளியிசைப்பிற், பழனக் காவிற் பசுமயி லாலும்”,“கழனி யுழவர் தண்ணுமை யிசைப்பிற், பழன மஞ்ஞைமழைசெத் தாலும்” (பதிற். 27 : 7 - 8, 90 : 41 - 2)

12. கொழுமீன் : ஒரு சாதிமீன்; திருச்சிற்.188 பேர்.

13. நாடுகிழவோன் : “காவிரிபுரக்கு நாடுகிழ வோனே” (பொருந. 248)

1. “வேளா விக்கோமாளிகை காட்டி” (சிலப். 28 : 198)