(பி - ம்.) 1 ‘இகவலர்க்காணின்’

திணை - அது; துறை - அரசவாகை.

¹ ஏனாதி திருக்கிள்ளியைக் கோனாட்டு ²எறிச்சிலூர் மாடலன் மதுரைக் குமரனார் பாடியது.

(இ - ள்.) நீதான, போரைக்காணின் அப்போரை வென்று அப் பகைவரது படையை விலக்கிஎதிர்நிற்றலான் வாள்வாய்க்கத் தைத்தவடு அமுந்தியஉடம்புடனே கேட்ட செவிக்கு இனியை, கண்ணுக்கு இன்னாய்;பகைவராகிய அவர்தாம், நின்னைக் காணிற்புறந்தருதலாற் புண்ணறியாத உடம்பாகிய வடிவுடனே கண்ணுக்குஇனியர், செவிக்கு இனியரல்லர்; அதனால், இங்ஙனம்நீயும் ஒன்றினியை; அவரும் ஒன்றினியர்; இனி அவரொவ்வாதனவேறு யாவை யுள; வெல்லும் போரினைச் செய்யும் வீரக்கழலணிந்த திருந்திய அடியினையும் கடிய செலவினையுடையகுதிரையையுமுடைய கிள்ளி ! நின்னை மதித்திருக்கும்இவ்வுலகம்; அதற்குக் காரணம் யாதோ? பெருமானே! எமக்குச்சொல்லுவாய்-எ - று.

நீ கட்சின்னாயெனப் பழித்ததுபோலப்புகழ்தலும், (தண்டி. சூ. 64) அவர் கட்கினியரெனப்புகழ்ந்ததுபோலப் பழித்தலும் சில அணிதோன்ற நின்றன.

(கு - ரை.) 3. புறநா. 321 : 9.

1 - 3. புறநா. 62 : 1 - 2, 100 : 2,குறிப்புரை.

4. தம் உடம்பிற் பெரிய காயங்கள்பல படும்படி போர் செய்தல் வீரர்களுக்கு இயல்பாதலின்“கட்கின்னாய்” என்றார்.

3 - 7. “காணிலும் முருப்பொலார்செவிக்கினாத கீர்த்தியார், பேணிலும் வரந்தரமிடுக்கிலாத தேவரை” (திவ். திருச்சந்த.69)

1 “சோழிக வேனாதி தன்முகநோக்கி” (மணி. 22 : 205)

2 புதுக்கோட்டையைச் சார்ந்த ஊர்களுள்‘எறிச்சி’ என்று வழங்குமூர் இவ்வூர்போலும்; இதுகோனாட்டைச் சார்ந்ததே. இதில், பஞ்சபாண்டவர்சுனையென்று ஐந்து பழைய சுனைகளும் அவற்றின் பக்கத்தில்ஒரு பழைய சிவாலயமும் உள்ளன.