(பி - ம்.) 7 ‘தீரந்தை’, ‘தீந்தை’11 ‘மருங்கு’

திணையும் துறையும் அவை; துறை -பாணாற்றுப்படையுமாம்.

ஈர்ந்தூர்கிழான் தோயன் (பி - ம். ஈரந்தூர்கிழான்கோயமான்) மாறனைக் கோனாட்டு எறிச்சிலூர் மாடலன்மதுரைக்குமரனார் பாடியது.

(இ - ள்.) நாடோறும் தொடர்ந்துகொடுக்கும் செல்வமு முடையா னல்லன்; இங்ஙனம் வறிஞனாயினும்இரந்தோர்க்கு இல்லையெனச் சொல்லி மறுக்கும்புன்மையுமுடையனல்லன்; தன் அரசுக்கு வந்துற்ற போரானமைந்தஇடும்பைகளைத் தான் பொறுத்து அந்தப் போரின்கட்படைக்கலங்கள் சுவைக்கொண்ட சிறந்த புண்ணாகியநோய் தீர்ந்து, மருந்துவாங்கிக் கொள்ளப்பட்டமரம்போல வாளுற்ற வடு ஒன்றோடொன்று விரவி ஆண்மைக்குறைபாடின்மையின்வசையின்றி அழகு பெற்ற உடம்பையுடையனாய் வன்மையைஏற்றுக்கொண்டு ஈர்ந்தை யென்னும் ஊரின்கண்ணேயிருந்தான்,பாணரது பசிக்குப் பகைவனாயவன்; நினது வறுமை நீங்கவேண்டுவையாயின்எம்முடனே நீயும் வாராய், முதிய வாயையுடைய இரவல!யாம் தன்னை இரக்கும்பொழுது தான் எம்முடைய உண்ணாதமருங்கினைக் காட்டித் தன்னுடைய ஊரின்வலிய கையினையுடையகொல்லனை வேண்டிக்கொள்ளாநிற்கும் அவன்;திருந்தின இலையையுடைய நெடிய வேலை வடிப்பாயாகவெனச்சொல்லி-எ - று.

பாண்பசிப்பகைஞன் ஈர்ந்தையோன்;அவன் தன்னை யாமிரக்கும் காலைத் தான் எம்மருங்கைக்காட்டிவேலைவடித்திசினெனக் கொல்லனை யிரக்கும்; இரவல!இன்மை தீரவேண்டின், எம்மொடு நீயும் வருவாயாகவெனக் கூட்டி வினைமுடிவுசெய்க.

இரக்குமென்று இழித்துக்கூறியது,பலகாலும் வடிக்கவேண்டுதலானும் பசிக்கு உதவவேண்டுதலானும்.

(கு - ரை.) 1. நிரப்பாது - பூர்த்திசெய்யாமல்.2. புறநா. 204 : 2; “இல்லென விரந்தோர்க்கொன்றீயாமை யிழிவு” (கலித். 2); “உள்ள, திரப்போனின்மை கண்டுங், கரப்போன் சிறுமை யானுறு கவ்வே”(தகடூர். “கலிமானோயே” என்னும்பாடல்)

4. “இரும்புமேய்ந் தொழிந்த மிச்சில்வரை மார்பன்”,“இரும்புண்டு மிகுத்த மார்பு”, “இரும்பெச்சிற்படுத்தமார்பர்” (சீவக. 1790, 2281, 2353)

5. “மரஞ்சா மருந்துங் கொள்ளார் மாந்தர்” (நற்.226); “மரமுதல் சாய மருந்துகொண் டாங்கு” (பெருங்.1. 37 : 188); “பால் கொண்ட வத்தி யெனவே யுடல்வடுப்பட்டவெமர்” (வெங்கைக்கோவை, 99)தொல். உவம சூ. 20, பேர். மேற்.

5 - 6. “அலகில் வெற்றியு முரிமையு மிவையென வவய வத்தினிலெழுதிய வறிகுறி யவையெ னப்பல வடுநிரை யுடையவர்”(கலிங்கத். 353); “பயில்வடுப் பொலிந்தயாக்கை வேடர்தம் பதியாம் நாகற்கு” (பெரிய.கண்ணப்ப. 12); “கொடுஞ்சமரிற் பட்ட, வடுத்துளைத்தகல்ல பிராமம்” (தனிப்பாடல்)

7. புறநா. 173 : 11.

‘ஈர்ந்தையோனே....பகைஞனென்புழி, ஈர்ந்தையோனென்னுமுற்றிற்குமுடிபாகிய பகைஞனென்னும் பெயரை இடையினின்றசொல்விசேடித்து நின்றது’ (தொல். எச்ச. சூ. 59, ந.)

9.முதுவாயிரவல : புறநா. 48 : 7, குறிப்புரை.

11. உண்ணாமருங்குல் : புறநா. 260 : 6.

12. புறநா. 170 : 15.

12 - 3. புறநா. 312 : 3.

மு. தும்பைத் திணைக்குரிய துறைகளுள், “தார்நிலை”என்பதற்கு மேற்கோள்காட்டி, ‘இதனுள், பாணன்அதுதோன்றப் புகழ்ந்தவாறு காண்க’ என்பர் (தொல்.புறத்திணை. சூ. 14, இளம்.); ‘நிரப்பாது கொடுக்குமென்னும் புறப்பாட்டினுள் இறையுறு விழுமந்தாங்கியென்பதும் அது’ (தொல். புறத்திணை. சூ. 17, ந.)