(பி - ம்.) 6 ‘பொரலருந் தித்தன்’9 ‘மள்ளர்க்கடந்தடு’

திணை - தும்பை; துறை - ¹எருமைமறம்.

சோழன் போர்வைக்கோப்பெருநற்கிள்ளிமுக்காவனாட்டு ² ஆமூர் மல்லனைப் பொருது அட்டுநின்றானைச்சாத்தந்தையார் பாடியது.

(இ - ள்.) இனிய அழன்றகள்ளினையுடைய ஆமூரிடத்து வலியையுடைய மல்லனதுமிக்க வலியைக் கெடுத்து ஒருகால் மண்டியாகமார்பிலே மடித்துவைத்து ஒருகால் அவன் செய்கின்றஉபாயத்தை விலக்கி முதுகின்கண் வளைத்துப் பசித்துமூங்கிலைத் தின்றற்கு முயலும் யானையையொப்பத்தலையுங் காலுமாகிய இரண்டிடமும் முறிய மோதி அக்களத்தின்கட்புக்க அம்மல்லனை எதிர்ந்துநின்று கொன்ற நிலையை,கண்டால் ³ உவப்பினும் உவவானாயினும், இவன்தந்தையாகிய வெல்லும் போரினையுடைய பொருதற்கரியதித்தன் காண்பானாக - எ - று.
என்றது, தந்தையுடன் வெறுத்துப்போந்தான் அமருட்புகுந்து இப்போர் செய்தானை அவன் விரும்பின் உவக்கின்றான்;விரும்பாவிடின் அஞ்சுகின்றா னென்பதாம்.

‘பணைமுயலும் யானைபோல வொருதலையொசிய வொற்றி’ என்று பாடமோதி, அம்மல்லன்முற்கூறாயினும் பிற்கூறாயினும் ஒருதலை முறிய மோதியென்றுஉரைப்பாரும் உளர்.

தில்: விழைவின்கண் வந்தது.

(கு - ரை.) 1. ஆங்கண் - அவ்விடம்,இன்கடுங்கள்; நற். 10 : 5; குறுந். 298 : 5; அகநா.76 : 3, 137 : 6.

2. மதவென்பது வலியென்பதை விசேடித்தஉரிச்சொல். மதவலி: முருகு. 232.

3-4. ஒதுங்கின்று - ஒதுங்கிற்று;இவையிரண்டும் எச்சப் பொருளவாய் நின்றன. தார்-முன்படை.

5. நல்கல் - உவத்தல்; “நறுமலர்க்கோதாய் நல்கினை கேளாய்” (மணி. 12 : 56)

6. தித்தன் - உறையூரிலிருந்த ஒருசோழன்’ புறநா. 352 : 9 - 10, 395 : 18 - 9; “நொச்சிவேலித் தித்த னுறந்தை” (அகநா. 122 : 21)

7. புறநா. 73 : 9-11, குறிப்புரை.

9. கடந்தடுதல் : புறநா. 8 : 5, 23 :16, 40 : 2, குறிப்புரை; கலித். 101 : 31, 105 : 1; பரி.15 : 45.

மு. மல்வென்றிக்கு மேற்கோள்;தொல். புறத்திணை. சூ. 16, இளம்; சூ. 20, ந.

1 புறநா. 274 : சீவக. 2259, ந.

2 இவன் பெயர் இப்பாட்டின் முதலிரண்டடிகளிற்காணப்படுகிறது.

3 “நல்கியா ணல்கியவை” (கலித்.138 : 13) என்ற இடத்து, என்னாலே காமிக்கப்பட்டவள்எனக்குக் காதலித்துத் தந்தவை’ எனப் பொருளெழுதுவர்நச்சினார்க்கினியர்.