(பி - ம்.) 5 ‘புலாஅ லம்பிற்’

திணையும் துறையும் அவை.

வல்லார்கிழான் பண்ணனைச் சோணாட்டு முகையலூர்ச்சிறுகருந் தும்பியார் பாடியது.

(இ - ள்.) மன்றத்தின்கண்ணேநிற்கப்பட்ட விளாவினது மனையிடத்து வீழ்ந்தவிளாம்பழத்தைக் கரிய கண்ணையுடைய மறத்தி காதன்மகனுடனே காட்டுவாழுங் கரிய பிடியினது கன்றுவந்துஎடுக்கும் பெரிய அரண்சூழ்ந்த வலிய நிலத்தின்கண்ஊராகிய இருப்பையும் புலால்நாறும் அம்பினையும் பொருதற்கரியகாவற்காட்டினையுமுடைய வலாரென்கிற ஊரிடத்தான்,வாய்த்தவாளையுடைய பண்ணன்; நினது உண்ணப் பெறாதவறிய சுற்றம் உண்டு பிழைத்தல் வேண்டுவையாயின்,நீ இப்பொழுதே செல்வாயாக; போய் அவன் வேற்றுப்புலத்துச்செல்லாத எல்லையில் நினது பசிக்குப் பகையாகியபரிசிலை நினது வறுமையைக் காட்டினையாய்க் கொள்ளுதற்கு-எ- று.

‘அம்பிற் போரருங்கடிமிளை’ என்பதற்குஅம்பாற் பொருதற்கரிய கடிமிளையெனினும் அமையும்.

காட்டிப் பரிசில் கொள்ளுதற்குஇன்னே சென்மதியெனக்கூட்டுக.

மதி : முன்னிலை விளக்கும் அசை.

(கு - ரை.) 1. வெள்ளில் - விளாமரம்;இங்கே பழமென்னும் மாத்திரையாய் நின்றது. மன்றமரம்: புறநா. 76, 371, 374.

4. புறநா. 21 : 6; “வன்புலக்காட்டுநாட் டதுவே” (நற். 59)

1 - 4. யானையின் கன்றும் குறத்திமகனும்: “முழந்தா ளிரும் பிடிக் கயந்தலைக் குழவி,நறவுமலி பாக்கத்துக் குறமக ளீன்ற, குறியிறைப்புதல்வரொடு மறுவந் தோடி” (குறுந். 394 : 1 - 3)

5. புலாவம்பு : “புலவுநுனைப் பகழி”(பெரும்பாண். 269); “புலவுக்கணை” (பு. வெ.10); (பு. வெ. 240) போரருங்கடிமிளை : “கடிமிளைக்குண்டுகிடங்கி, னெடுமதி னிரைஞாயி, லம்புடை யாரெயில்”(பதிற். 20 : 17 - 9); “அருங்குழுமிளை” (மதுரைக்.64)

6. புறநா. 180 : 7.

7 - 8. “பாசம், பசிப்ப மடியைக்கொளலும்” (திரி. 20)

9 - 10. புறநா. 139 : 14 - 5.