தொடக்கம்

398

	மதிநிலாக் கரப்ப வெள்ளி யேர்தர வகைமா ணல்லிற்......................................... பொறிமயிர் வாரணம் பொழுதறிந் தியம்பப் பொய்கைப் பூமுகை மலரப் பாணர்
5	கைவல் சீறியாழ் கடனறிந் தியக்க இரவுப்புறம் பெற்ற வேம வைகறைப் பரிசிலர் விசையெ.................................................... வரிசையி னிறுத்த வாய்மொழி வஞ்சன் நகைவர் குறுகி னல்லது பகைவர்க்குப்
10	புலியின மடிந்த கல்லளை போலத் துன்னல் போகிய பெரும்பெயர் மூதூர் மதியத் தன்னவென் னரிக்குரற் றடாரி இரவுரை நெடுவா ரிப்ப வட்டித் துள்ளி வருநர் கொள்கல நிறைப்போய்
15	தள்ளா நிலையை யாகிய ரெமக்கென என்வர வறீஇச் சிறிதிற்குப் பெரிதுவந்து விரும்பிய முகத்த னாகி யெனதரைத் துரும்புபடு சிதாஅர் நீக்கித் தன்னரைப்
20	புகைவிரிந் தன்ன பொங்குதுகி லுடீஇ அழல்கான் றன்ன வரும்பெறன் மண்டை நிழல்காண் டேற னிறைய வாக்கி யானுண வருள லன்றியுந் தானுண் மண்டைய கண்ட மான்வறைக் கருனை
25	கொக்குகிர் நிமிர லொக்க லார வரையுறழ் மார்பின் வையகம் விளக்கும் விரவுமணி யொளிர்வரு மரவுற ழாரமொடு புரையோன் மேனிப் பூத்தசல......... முரைசெல வருளி யோனே................
30	.........................யருவிப் பாயற் கோவே.

(பி - ம்.) 11 ‘துன்னலமபோகிய' 15 ‘நினையை' 16 ‘வறிய' 24 ‘மண்டை' 27 ‘முழாவுறழாரமொடு', ‘பிறையுறழாரமொடு'

திணை - அது; துறை - கடைநிலை.

சேரமான் வஞ்சனைத் திருத்தாமனார்.

(கு - ரை.) 1. புறநா.397 : 1.

2. வகைமாணல்லில்-கட்டுக்களால் மாட்சிமைப்பட்ட நல்ல வீடு.

3. வாரணம் - கோழி ; "பொறிமயிர் வாரணங் குறுங்கூ விளிப்ப" (மணி.7 : 116)

4. பூமுகை - மலரும் பருவமுள்ள அரும்பு.

6. புறநா.397 : 6, குறிப்புரை.

8. வரிசை - முறை. வஞ்சன் : இப்பாட்டுடைத்தலைவன் பெயர்.

9. நகைவர்-நண்பர் ; புறநா. 373 : 35, குறிப்புரை.

11. துன்னல்போகிய - அணுகுதற்கரிய.

10 - 11. புறநா.54, மு.

9 - 11. புறநா.170 : 14 - 7. 13. புறநா.399 : 25.

15. ஆகியர் - ஆகுக. என - என்று யான் கூற.

16. அறீஇ - அறிந்து.

20. "புகைமுகந் தன்ன மாசி றூவுடை" (முருகு. 138). உடீஇ - உடுத்தி.

25. புறநா. 395 : 36, குறிப்புரை.

27. "அரவுற ழார முகக்குவ மெனவே" (புறநா. 368 : 18) (398)