(பி - ம்.) 6 ‘நல்லவை’ 9 ‘நெறியுமற்றதுவே’

திணை - அது: துறை - பொருண்மொழிக்காஞ்சி.

நரிவெரூஉத்தலையார் பாடியது.

(இ - ள்.) பல அமைந்த குணங்களையுடையீர்! பல அமைந்த குணங்களையுடையீர்! கயலினது முட்போன்ற நரைமுதிர்ந்த திரைந்த கதுப்பினையும் பயனில்லாத முதுமையையுமுடைய பல அமைந்த குணங்களை யுடையீர்! மழுவாகிய கூரிய படைக்கலத்தினையும் கடிய வலியினையுமுடைய ஒருவன் பாசத்தாற் கட்டிக்கொண்டு போங்காலத்து இரங்குவீர் நீர்; நல்வினையைச்செய்ய மாட்டீராயினும் தீவினையைச் செய்தலைப் பரிகரிமின்; அதுதான் யாவரும் புகழ்வரென்றது ஒழியவும் நல்ல நெறியின் கண்ணே செலுத்தும் வழியும் அதுதான்-எ - று.

¹பலராகிய சான்றீரென்பது, பல்சான்றீரெனத் தொக்கது; “பல்குட்டுவர்” (மதுரைக். 105) என்பதுபோல.

பலவாகிய குணங்களால் அமைந்தீரெனினும் அமையும்.

பயனின் மூப்பென்றுவைத்துப் பல்சான்றீரேயென்றது இகழ்ச்சிக்குறிப்பு; அடுக்கு, விரைவின்கண் வந்தது.

(கு - ரை.) 1. புறநா. 246 : 1.

‘பல’ என்னும் சொன்முன் பிறவரின் அகரம் விகற்பித்து வருமென்பதற்கும் (நன். சூ. 169, மயிலை.), ரகரவீற்று உயர்திணைப்பெயரின் ஈற்றயலாகாரம் ஈகாரமாய் ஏற்றதற்கும் (நன். வி. சூ. 309) மேற்கோள்.

2. “கரிந்தநீள் கயன்முள்ளி னரையும்” (திருவிளை. விருத்த. 20)

1-3. சொல்லுவான் குறிப்பினாற் பொருளறியவந்ததற்கு மேற்கோள்; நன். சூ. 268, மயிலை; நன். வி. சூ. 269.

4. ஒருவன் - யமன்.

6-7. “வறுமையா, லீத லிசையா தெனினு மிரவாமை, யீத லிரட்டி யுறும்” (நாலடி. 95)

பாடாண்டிணைத் துறைகளுள், ஓம்படைபற்றி வந்ததற்கு மேற்கோள்; தொல். புறத்திணை. சூ. 30, இளம்.

மு. காஞ்சித்திணைத்துறைகளுள் ‘கழிந்தோரொழிந்தோர்க்குக் காட்டியமுதுமை’ என்பதற்கு மேற்கோள் (தொல். புறத்திணை. சூ. 19, இளம்.); ‘பல்சான்றீரே......அதுவே: இது வீடு ஏதுவாகவன்றி வீடுபேற்றுநெறிக்கட் செல்லும் நெறியேதுவாகக் கூறியது’ (தொல். புறத்திணை. சூ. 24. ந.)

(195)

1. தொல். தொகைமரபு, சூ. 11, ந. பார்க்க.