(கு - ரை.) 1. வேந்து - அரசன். குறையுறவும் - கேட்பவும். கோடு - பக்கம். 2. தொடலை - மாலை ; "தொடலைக் குறுந்தொடி" (குறள், 1135) தழை : "அணித்தழை நுடங்க வோடி" (புறநா.340 ; 1) தந்தை (3) கொடான் (1) 4. ‘எழு’ இன்னதென்பது "எழுவுஞ் சீப்பும்" (சிலப். 15 : 215 என்பதன் உரைகளால் அறியப்படும் ; "சீப்புள் ளுறுத்துத் திண்ணெழுப்) போக்கிக், காப்புள் ளுறுத்த கடிமதில் வாயில்" (பெருங். 1. 43 : 163 - 4) 5. அரைமண் இஞ்சி - அரைத்த மண்ணால் அமைக்கப்பட்ட மதில். நாட்கொடி - நல்லநாளிலே கட்டினகொடி ; நாடோறுஞ்செய்த வெற்றிக்குக் கட்டின கொடியுமாம் ; "நாட்கொடி நுடங்கும் வாயில்" (சிலப்.15 : 217 - 8) ; "நாடோ றெடுத்த நலம்பெறு புனைகொடி" (மதுரைக். 368) 7. கடுங்கட்சுற்றம் - வீரச்சுற்றம் ; “வயப்புலி போலத், துஞ்சாக் கண்ணர்" (மதுரைக். 643 - 4), "கொடுவரி கூடிக் குழுஉக்கொண்டனைத்தால்........நிணநிரை வேலார் நிலை", "புலிக்கணமுஞ் சீயமும் போர்க் களிறும் போல்வார்", "குயவரி வேங்கை யனைய - வயவர்" (பு. வெ.9, 25, 58), "மைதோய் வரையி னிழியும் புலிபோல மைந்தன், பெய்தாம மாலைப் பிடியினிழிந் தேகி" (சீவக.2135) என்பவற்றிலும் வீரர்க்குப் புலி உவமிக்கப்பட்டிருத்தல் காண்க. 8. மாற்றம் - மாறுபட்டுச் சொல்லுஞ் சொல். மறலிய - போர் செய்தற் கெழுந்த. 9. போர்க்குரிய பூவை அணிந்துகொண்டு போருக்குப் புறப்படுகவென்று தன் வீரரை ஏவிவிட்டுத் தான் நீராடுதற்குப் பொய்கையின்கட் புகுந்தான் ; போர்செய்தற்குப் புறப்படுமுன் அரசர் நீராடல் மரபு ; புறநா.79 : 1, குறிப்புரை. 10. வேளா - மணஞ்செய்யப்படாத. 14. எஃகம் - வேல். 15. வாராவுலகம் - வீரசுவர்க்கம். 12 - 5. ஒன்றோ, ஒன்று ; எண்ணிடைச்சொல் ; புறநா.344 : 4 - 6.
ஊர் (19) கவினிழப்பது கொல்லோ (18) இச்செய்யுளின் பொருள், நொச்சித்திணைக்கண்ணதாகிய மகண் மறுத்துமொழிதல் என்னுந்துறைக்கும் இடனாகின்றது. (341)
|