(பி - ம்.) 10 ‘களிறே’ 14 ‘பொலிவொடு’

திணை - வஞ்சி; துறை - கொற்றவள்ளை.

சோழன் உருவப்பஃறேரிளஞ்சேட்சென்னியைப் பரணர்பாடியது.

(இ - ள்.) வாள் வெற்றியைத்தருதலாற் குருதிக்கறைபட்டன, செக்கர் வானத்தினதுஅழகையொத்தன; கால்புடை பெயர்ந்துபோர் செய்துகளத்தைத் தமதாக்கிக்கொள்ளுதலால் வீரக்கழல் ¹அருப்புத்தொழில் பறைந்தவை, கொல்லும் ஆனேற்றினதுகோட்டையொத்தன;பரிசைகள் ஒலித்துத் தைத்த அம்புகளால் துளைதோன்றுவன,நிலையிற் றப்பாத இலக்கத்தையொத்தன; குதிரைகள்எதிரியை எறியும் காலமுடையான் ² இடவாய்வலவாயாகிய இடத்தைக் காட்ட முகக்கருவி பொரப்பட்டசெவ்வாயை உடைமையான் மான்முதலாயினவற்றின் கழுத்தைக்கவ்வி உதிரம் ³ உவற்றியுண்ட புலியை யொத்தன;களிறுகள், கதவை முறித்து வெகுண்டு உலாவி நுனைதேய்ந்தவெளியகோட்டையுடைமையான் உயிரையுண்ணும் கூற்றையொத்தன;நீதான், அசைந்த தலையாட்டமணிந்த கதியையுடைய குதிரையாற்பூட்டப்பட்ட பொற்றேரின்மேலே பொலிவொடு தோன்றுதலாற்கரிய கடலின்கண்ணே ஓங்கியெழுகின்ற செய்யஞாயிற்றினது ஒளியையுடையை; அத்தன்மையையாதலால்,தாயில்லாத உண்ணாக் குழவிபோல ஒழியாது கூப்பிடும்நின்னைச் சினப்பித்தவருடைய நாடு - எ - று.

நாடென்றது (19) நாட்டுள்வாழ்வாரை. மாறென்பது (17) ஏதுப் பொருள்படுவதோர்இடைச்சொல்.
கழல்பரிந்தன (3) வென்றோதி, வீரக்கழல் நீங்கியவையென்றுஉரைப்பாருமளர்.

வாளாகிய மறுப்பட்டவை (1) யெனவும்,கழலாகிய பறைந்தவையெனவும் (3) தோலாகிய துளைதோன்றுவ(5) வெனவும் கொள்க.

துவைத்துத் தோன்றுவவென இயையும்.

எறிபதத்தா (7) னென்பதற்கு ⁴ ஒத்தும்காலையுடையானென்று உரைப்பாருமுளர்.

செஞ்ஞாயிற்றுக் கவினை (16) யென்றதுணையும்மன்னவன் புகழும், ஓவாது கூஉநின் உடற்றியோர் நாடென(19) ஒன்னார் நாடழிபிரங்கலு மோதலான், இது கொற்றவள்ளை(பு. வெ. 43) ஞாயிற்று.

(கு - ரை.) 1 - 2 நேரசை கூனாய்நின்றதற்குஇவ்வடிகள் மேற்கோள்; தொல். செய். சூ. 48; பேர்.;49, ந.

3. களத்தைத் தமதாக்கிக் கொள்ளுதல்: புறநா. 53 : 5. கு - ரை. “வென்று களங்கொண்ட வேல்வேந்தே”(பு - வெ. 225) என்பதனாலும், “தேன்மிடைந்த தாரினான்செங்களஞ் சிறந்ததே” (சீவக. 279) என்பதற்குஎழுதப்பட்ட ‘இத்துணையும் இவன் வெற்றியாதலின்இவன் களமென்றார்’ என்னும் குறிப்புரையாலும்விளங்கும். “பறைதாள் விளவு” (பெரும்பாண்.95). இவ்வடி பதினோரெழுத் திருசீரடி வஞ்சிப்பாவிற்குமேற்கோள்; யா - வி. ஒழிபியல், சூ. 95.

5. துவையென்னும் உரிச்சொல் ஓசைப்பொருளில்வந்ததற்கு இவ்வடி மேற்கோள்; நன். மயிலை. சூ.458; நன். வி. சூ. 459.

5 - 6. குறளடியும் சிந்தடியும் வந்தமையான்மயக்கடி வஞ்சிப் பாட்டானதற்கு மேற்கோள்; தொல்.செய். சூ. 47. ந.

6. “கம்பமொடு துளங்கிய விலக்கம்”(புறநா. 260 : 23)

9. ‘எருத்துவ்விய’ எனப்பாடங்கொண்டுஎரு, இறைச்சியெனப் பொருள்கூறுவர் தக்க. உரையாசிரியர்(386)

10 - 11. கடிமதிற் கதவம் பாய்தலிற்றொடிபிளந்து, நுதிமுக மழுகிய மண்ணைவெண்கோட்டுச்,சிறுகண்யானை” (அகநா. 24 : 11 - 3)

10 - 12. களிறு....போன்றன; நிரைபசைவஞ்சியடியிற் கூனாய் வந்ததற்கு மேற்கோள்; தொல்.செய். சூ. 48, பேர்.; ந.

13. புறநா. 2 - 13.

15 - 6. “பலர்புகழ் ஞாயிறு கடற்கண்டாஅங், கோவறவிமைக்குஞ் சேண்விளங் கவிரொளி”(முருகு. 2 - 3) ; தொல். கிளவி. சூ. 18 : தெய்வச்.;கல். மேற்.; புறநா. 228 : 8 - 9; பு - வெ. 201) ; சீவக.2371.

13 - 6. வாழ்த்து வகையில் தேரடுத்துவந்ததற்கு இதுமேற்கோள்; தொல். புறத்திணை. சூ.31. ந.

17. மு. புறநா. 20 : 20; பதிற்.80 : 12. மாறு, மூன்றாம்வேற்றுமைப்பொருட்கண் வருமென்பதற்கும்(தொல். இடை. சூ. 2, சே.; இ - வி. சூ. 251, உரை), காரணப்பொருளுணர்த்திநிற்குமென்பதற்கும் (தொல். இடை. சூ. 2, ந.),ஆகலென்னும் வினைக்குறிப்புச்சொல் சார்ந்து நின்றசொற்பொருளையே உணர்த்தி நிற்குமென்பதற்கும்முச்சீரடி இடை வந்ததற்கும் (தொல். இடை. சூ. 32,ந.; தொல். செய். சூ. 71, பேர்.) இது மேற்கோள்.

18 - 9. “ஈன்றோ ணீத்த குழவிபோல”, தாயி, றூவாக் குழவி போல” (புறநா.230 : 7, 379 : 14 - 5); “குழவிகொள் வாரிற் குடிபுறந்தந்து”(பதிற். 6 - ஆம்பத்துப் பதிகம்); “தாயிலாக்குழவி போலச் சாதுய ரெய்துகின்றேன்; (சீவக.1581) ; ‘தாயி றூவாக் குழவித்துயர்” “தாயொழிகுழவி போலக் கூஉம்” (மணி. 13 : 11, 25 : 111);

“ஓங்குகுடை நீழ லுலகுதுயின் மடியக்,குழவிகொள் பவரி னிகழா தோம்பி” (பெருங்.4. 10 : 133 - 4)

15 - 9. வஞ்சிப்பா மண்டில ஆசிரியத்தான்இற்றதற்கு மேற்கோள்; தொல். செய். சூ., 71, பேர்.

இதன் 14 - ஆம் அடியாற் பாட்டுடைத்தலைவனதுபெயர்க்காரணம் புலப்படுகின்றது. (4)

1. அருப்புத்தொழில் : கலித்.104 : 23, ந.

2. ‘இடவாய்வலவாயாகிய இடம்’(கலித். 140 : 14, ந.)

3. உவற்றி - ஊற்றி; “ஒண்செங்குருதியுவற்றியுண்டருந்துபு,புலவுப்பலி துறந்த கலவுக்கழி கடுமுடை” (அகநா.3)

4. ஒத்துதல் - அழுத்தல்; “ஒத்துந்தாளத் தொக்கத் தத்தித், தத்தும் பரிதன்றான் வைத்ததுவே”(திருவால. 28 : 53)