351

	படுமணி மருங்கின பணைத்தாள் யானையும் கொடிநுடங்கு மிசைய தேரு மாவும் படையமை மறவரொடு துவன்றிக் கல்லெனக் கடல்கண் டன்ன கண்ணகன் றானை
5	வென்றெறி முரசின் வேந்த ரென்றும் வண்கை யெயினன் வாகை யன்ன இவணலந் தாரா தமைகுவ ரல்லர் என்னா வதுகொ றானே தெண்ணீர்ப் பொய்கை மேய்ந்த செவ்வரி நாரை
10	தேங்கொண் மருதின் பூஞ்சினை முனையிற் காமரு காஞ்சித் துஞ்சும் ஏமஞ்சால் சிறப்பினிப் பணைநல் லூரே.

(பி - ம்.) 11 ‘காமர் நாஞ்சில்’

திணையும் துறையும் அவை.

மதுரைப் படைமங்கமன்னியார்.

(கு - ரை.) 1, "படுமணி யிரட்டு மருங்கின்" (முருகு. 80)

1 - 3. புறநா.55 : 7 - 8, குறிப்புரை.

4. "கடலென, வானீர்க் கூக்குந் தானை" (புறநா.17 : 36 - 7)

5. "வென்றெறி முரசின் வேந்தர்" (புறநா.112 : 4)

6. எயினன் : ஓருபகாரி; வாகை : அவனுடைய ஊர்.

7. தருதல் தந்தையின் தொழில்.வேந்தர் (5) அமைகுவரல்லர் (7)

8. என்னாவதுகொறானே : புறநா. 63 : 11, 345 : 19, 347 : 9.

10. தேம் - இனிமை. முனையின் - வெறுத்தால்.

11. காஞ்சி - ஒருவகைமரம்.ஊர் (12) என்னாவதுகொல்? (8)

(351)