332

	பிறர்வேல் போலா தாகி யிவ்வூர் மறவன் வேலோ பெருந்தகை யுடைத்தே இரும்புற நீறு மாடிக் கலந்திடைக் குரம்பைக் கூரைக் கிடக்கினுங் கிடக்கும்
5	மங்கல மகளிரொடு மாலை சூட்டி இன்குர லிரும்பை யாழொடு ததும்பத் தெண்ணீர்ப் படுவினுந் தெருவினுந் திரிந்து மண்மழு தழுங்கச் செல்லினுஞ் செல்லுமாங் கிருங்கடற் றானை வேந்தர்
10	பெருங்களிற்று முகத்தினுஞ் செலவா னாதே.

(பி - ம்.) 3 ‘இரும்புக நீருமாடிக்கலத்திடை' 4 ‘குரம்பைக் கூன ராக்கினுங்கிடக்கு' 5 ‘சூடி' 6 ‘லிகும்பை யாழெடுத்தியம்ப', ‘யிரும் பெயர்' 8 ‘சொல்லினுஞ்', ‘செல்லுங்கண்ணுறின்', ‘செல்லுமாங்கு கடற்றானை'

திணையும் துறையும் அவை.

விரியூர் நக்கனார் (பி - ம். விரியூக நக்கனார்)

(கு - ரை.) 3. நீறு - புழுதி.4. குரம்பை - சிறுகுடிலின்.

6. குரல் - மகளிர் இசை. இரும் பை - பெரிய பை ; யாழுறை. ததும்ப - ஒலிக்க.7. படு - மடு.

10. செலவு ஆனாது - செல்லுதல் தவிராது.

மு. பாடாண்டிணைத்துறைகளுள், ‘மாணார்ச்சுட்டிய வாண்மங்கலம்' என்பதற்கு இதனை மேற்கோள் காட்டினர் இளம்பூரணர் (தொல். புறத்திணை. சூ. 30) ; உழிஞைத்திணைத்துறைகளுள் ‘வென்ற வாளின் மண்ணல்' என்பதற்கு ‘ஒன்றெனமுடித்தலான் இருவர்வேற்குஞ் சிறுபான்மை மண்ணுதல் கொள்க' என விசேடவுரை கூறி இதனை மேற்கோள் காட்டினர் நச்சினார்க்கினியர்; தொல்.புறத்திணை. சூ. 13.

(332)