339

	வியன்புலம் படர்ந்த பல்லா நெடிவேறு மடலை மாணிழ லசைவிடக் கோவலர் வீததை முல்லைப் பூப்பறிக் குந்து குறுங்கோ லெறிந்த நெடுஞ்செவிக் குறுமுயல்
5	நெடுநீர்ப் பரப்பின் வாளையொ டுகளுந்து தொடலை யல்குற் றொடித்தோண் மகளிர் கடலாடிக் கயம்பாய்ந்து கழிநெய்தற் பூக்குறூஉந்து பைந்தழை துயல்வருஞ் செறுவிறற........
10	..............................................லத்தி வளர வேண்டு மவளே யென்றும் ஆரம ருழப்பது மமரிய ளாகி முறஞ்செவி யானை வேந்தர் மறங்கெழு நெஞ்சங் கொண்டொளித் தோளே.

(பி - ம்.) 1 - 2. ‘வெறறி, மடலை’ 12 ‘ஆரமரொழிப்பதுவுமமரிய’

திணையும் துறையும் அவை.

...........................................................................

(கு - ரை.) 1. புலம் - மேய்தற்குரிய நிலம்.

2. அசைவிட - அசையிட.

1 - 2. ஏறு அசைவிட.

3. பூப்பறிக்குந்து - பூக்களைப் பறிக்கும் ; "புதன்முல்லைப் பூப்பறிக்குந்து" (புறநா.352 : 4)

4. கோலாலெறிந்த முயல் ; "மாலை வெண்காழ் காவலர் வீச, நறும்பூம் புறவி னொடுங்குமுய லிரியும்" (ஐங்குறு.421)

5. உகளுந்து - துள்ளும்.

6. தொடலை - மணிக்கோவைகளால் தொடுக்கப்பட்ட மேகலை.

8. பூக்குறூஉந்து - பூக்களைப் பறிக்கும் ; குறுதல் - பறித்தல்.

12. அமரியளாகி - விரும்பியவளாய்.

13. முறம்போலும் காதுகளையுடைய யானை ; "முறஞ்செவி வாரணம்" (கலித்.42 : 2 ; சிலப். 10 : 248) ; "முறஞ்செவி யானையுந் தேருமாவும்" (மணி. 19 : 121)

(339)