திணையும் துறையும் அவை.

அவனை அவர் பாடியது.

(இ - ள்.) ஒருபக்கம் அருவி ஆர்த்தொழுக ஒருபக்கம் பாணருடைய மண்டைகள் நிரம்ப வாக்கவேண்டி வடிக்க உக்க இனிய கள்ளாகிய தேறல் கல்லையுருட்டி யொழுகும், பலவேற்படையுடனே தலைமை பொருந்திய யானையையுமுடைய வேந்தர்க்குக் கொடியோனாகிய இனியோன்மலை; அது கழிந்தது-எ - று.

குன்று தேறல் கல்லலைத்தொழுகும்; இனி அது கழிந்ததென்று கூட்டுக.

அருவியும் அவன் உளனாயின் உளதாவதென்பது கருத்து.

மன் : கழிவின்கண் வந்தது.

குன்று தேறல் கல்லலைத்தொழுகுமென இடத்துநிகழ்பொருளின் தொழில் இடத்துமேல் ஏறிநின்றது.

(கு - ரை.) 2. மண்டை - பிச்சைப் பாத்திரம்; புறநா. 103 : 3, குறிப்புரை.

3. "அடர்பொற் சிரகத்தால் வாக்கி" (கலித். 51 : 7); வடியுறு தீந்தேறல் வாக்கு" (பு. வெ. 19). உக்க - சிந்திய.

2 - 3. "வண்டுபடு நறவிற் றண்டா மண்டையொடு" (புறநா. 261 : 2).

2 - 4. "தீந்தொடை நரம்பின் பாலை வல்லோன், பையு ளுறுப்பிற் பண்ணுப் பெயர்த்தாங்குச், சேறுசெய் மாரியி னளிக்குநின், சாறுபடு திருவி னனைமகி ழானே" (பதிற். 65 : 14 - 7)

5 - 6. பகைவர்க்கு இன்னான் : புறநா. 12 : 4, 59 - 6.

வேந்தர்க்கு இன்னான் என்றமையால், இரவலர்க்கு இனியோன் என்பது பெறப்பட்டது.

(115)