தொடக்கம்

280

	என்னை மார்பிற் புண்ணும் வெய்ய நடுநாள் வந்து தும்பியுந் துவைக்கும் நெடுநகர் வரைப்பின் விளக்கு நில்லா துஞ்சாக் கண்ணே துயிலும் வேட்கும்
5	அஞ்சுவரு குராஅற் குரலுந் தூற்றும் நென்னீ ரெறிந்து விரிச்சி யோர்க்கும் செம்முது பெண்டின் சொல்லு நிரம்பா துடிய பாண பாடுவல் விறலி என்னா குவிர்கொ லளியிர் நுமக்கும்
10	இவணுறை வாழ்க்கையோ வரிதே யானும் மண்ணுறு மழித்தலைத் தெண்ணீர் வாரத் தொன்றுதா முடுத்த வம்பகைத் தெரியற் சிறுவெள் ளாம்ப லல்லி யுண்ணும் கழிகல மகளிர் போல
15	வழிநினைந் திருத்த லதனினு மரிதே.

(பி - ம்.) 1 ‘மார்பமாப்புண்ணும்’ 4 ‘துஞ்சா கண்ண’ 10
‘வாட்கையோ......வறிதே’

திணை - பொதுவியல்; துறை - ஆனந்தப்பையுள்.

மாறோக்கத்து நப்பசலையார்.

(கு - ரை.) 1. தலைவனைத் தலைவி‘என்னை’ எனப் புறத்திணைக்கட் கூறியதற்கு மேற்கோள்;தொல். பொருளியல், சூ. 52, ந.

2. தும்பி - ஒருவகை வண்டு.

4. வேட்கும் - விரும்பும்.

5. குரால் - கூகைப்பெடை; மதுரைக்.170, ந.; கோட்டானுமாம்.

6. விரிச்சி - நற்சொல்; புறநா.68 : 17, குறிப்புரை.

7. செம்முதுபெண்டு : புறநா. 276 : 3.

6 - 7. “நெல்லொடு, நாழி கொண்டநறுவீ முல்லை, அரும்பவிழலரி தூஉய்க்கை தொழுது,பெருமுது பெண்டிர் விரிச்சி நிற்ப” (முல்லை. 8 -11)

10. இவண் - இவ்விடத்து.

13. புறநா. 248 : 1 - 5.

12 - 3. புறநா. 248; ஆம்பலல்லி -ஆம்பலாகிய அல்லிக்காயரிசி; (சீவக. 355)

11 - 3. மழித்தலை - மழித்தலையுற்றதலை; புறநா. 250 : 4 - 5, 261 : 17 - 9.

14. கழிகலமகளிர் - விதவைகள்; புறநா.238 : 6.

15. வழிநினைந்து - பிற்காலவிளைவைஎண்ணி. ‘அதனினும்’ என்றது, ‘வாழ்க்கையோ வரிது’(10) என்றதைச் சுட்டியது. இவ்வடி ‘அழிவுநினைந்திருத்த லதனினு மரிதே’ என்றிருக்கலாம் போலும்.

(280)