திணை - வாகை; துறை - வல்லாண்முல்லை.

பாண்டியன் கீரஞ்சாத்தனை (பி - ம். பாண்டிக்குதிரைச்சாக்கையனை) அவர் பாடியது.

(இ - ள்.) கம்பத்தை வெறுத்துநெட்டுயிர்ப்புக் கொள்ளும் யானையோடு பந்தியைவெறுத்துக் காற்றுப்போலும் இயல்புடைய குதிரை ஆலிக்கும்அவ்விடத்து இடுமணல் மிக்க முற்றத்தின்கட் புக்கசான்றோர் அப்பொழுது உண்ணாராயினும் தன்னுடனேசார்த்திச் சூளுற்று உண்மி னென்று அவரை வேண்டிக்கொள்ளும்பெரிய பெயரையுடைய சாத்தன் எம்போல்வாரிடத்துஇனிய மென்மையையுடையன்; இங்ஙனம் மெல்லியனாயினும்விரும்பாதார் எறியும் படைக்கலம் தம்மிற்கலந்தஅஞ்சத்தக்க போரின்கண் வீரபானத்தையுடைய கலத்தினராய்அதனையுடைய செருக்கான் ஊர்க்குள்ளே யிருந்து சொல்லியவீரம் மேம்பட்ட வார்த்தை யைப் போரின்கண்மறந்த சிறிய பேராண்மையை யுடையோர் போர்க்களத்துஅஞ்சிப் புறங்கொடுத்து ஓடுங்காலத்து அவர்க்கு அரணாகத்தான் தன் வலியான் முந்துற்று நிற்பன்-எ - று.

நெடுமொழி மொழிதலாற் பேராண்மையும்,பின் அதனை மறத்தலாற் சிறுமையுமுடைமையின், சிறுபேராளரென்றார்.

‘நெடுமொழி மறந்து’ என்பதூஉம்பாடம்.

(கு - ரை.) 1. புறநா. 23 : 1 - 2.

2. “காலியக் கன்ன கதழ்பரிகடைஇ” (மதுரைக். 440)

1 - 2. “பணைநிலைப் புரவி யாலுமோதையும்” (சிலப். 13 : 147); “பணைநிலைப்புரவி பலவெழுந் தால” (மணி. 7 : 117)

4 - 5. “உண்ணா நோன்பி தன்னொடுசூளுற், றுண்மென விரக்கு மோர் களிமகன்” (மணி.3 : 102 - 3)

3 - 5. “இருந்தோம்பியில்வாழ்வ தெல்லாம் விருந்தோம்பி, வேளாண்மைசெய்தற் பொருட்டு” (குறள், 81)

7. மயங்கிய ஞாட்பு : புறநா. 343 :17; “மயங்கமர்” (கலித். 31); “கழுமியஞாட்பு”(களவழி. 11)

9. நெடுமொழி : புறநா. 54 : 9, 376 :22. “சொல்லுத லியார்க்கு மெளிய வரியவாஞ், சொல்லியவண்ணஞ் செயல்” (குறள், 664)

11. “அழிபடை தாங்கல்” (சிறுபாண்.211)

9 - 11. புறநா. 54, 170 : 14 - 7.