திணை - பாடாண்டிணை; துறை - செவியறிவுறூஉ.(பி - ம். திணையும் துறையும் அவை)

பாண்டியன் அறிவுடை நம்பியுழைச்சென்றபிசிராந்தையார் பாடியது.

(இ - ள்.) காய்த்த நெல்லையறுத்துக்கவளமாகக் கொள்ளின் ஒரு மாவிற்குறைந்த நிலத்திற்கதிரும்பலநாளைக்காகும்; நூறுசெய்யாயினும் யானை தனித்துப்புக்குஉண்ணுமாயின் அதனது வாயின்கட்புகுந்த நெல்லினும்கால் மிகவும் கொடுக்கும்; அப்பெற்றியே அறிவுடையஅரசன் இறை கொள்ளும் நெறியை அறிந்து கொள்ளின்அவன்நாடு கோடி பொருளினை ஈட்டிக் கொடுத்துத் தானும்மிகவுந் தழைக்கும்; வேந்தன் அறிவால் மெல்லியனாகிநாடோறும் தரமறியாத உறுதிகூறாது ¹ அவன்விரும்புவதனையே தானுங் கூறும் ஆரவாரத்தையுடைய சுற்றத்தோடுகூடி அன்புகெடக் கொள்ளும் பொருட்டொகுதியைவிரும்பின் அந்த யானை புக்க புலம்போலத் தானும்உண்ணப்பெறான், உலகமுங் கெடும்-எ - று.

பரிவுதவவென்றோதி, அக்குடிகட்குவருத்தமிக என்றுரைப்பாரும் உளர்.

‘மெல்லியன் கீழவ னாகி’ என்றும்பாடம்.

(கு - ரை.) 1. நெற்கவளம் : புறநா.44 : 2, குறிப்புரை.

2. மா - ஒருவகையளவை; “மாமாவின்வயின்வயினெல்” (பொருந. 180)

4. வேற்றுமைக்கண் யகரவீற்றின்முன்பகரம் இயல்பாயதற்கு மேற்கோள்; நன். சூ. 223, மயிலை.நன். வி. சூ. 224; இ. வி. சூ. 133, உரை.

5, “நல்லற நெறிநிறீஇ யுலகாண்டவரசன்” (கலித். 129 : 4)

5 - 6. “குடியோம்பிக், கொள்ளுமாகொள்வோற்குக் காண்டுமே மாநிதியம், வெள்ளத்தின்மேலும் பல” (நீதிநெறி. 29)

8. “கல்லென் சுற்றமொடுகால்கிளர்ந்து திரிதரும்” (பெரும்பாண். 21);“கல்லென் சுற்றக் கடுங்குர லவித்து” (குறிஞ்சிப்.151)

9. நற். 226 : 2 - 3.

5 - 11. புறநா. 75.

மு. “வாய்ப்படுங் கேடுமின்றாம் வரிசையி னரிந்து நாளுங், காய்த்த நெற்கவளந் தீற்றிற் களிறுதான் கழனி மேயின், வாய்ப்படலின்றிப் பொன்றும் வல்லனாய் மன்னன் கொள்ளின்,நீத்தநீர் ஞால மெல்லா நிதி நின்று சுரக்கு மன்றே”(சீவக. 2907); “மாநிரப்புறாச் சிறுபுலப் பயன்களும்வயக்கரி நிலைநாடித், தான ளித்திடி னடுபசி கெடுமதுசார்ந்துபுக் குணின்வேலி, யான தென்னினுங் வாலினுங்காலினு மழிந்துவாய் புகலின்றிப், போன தாமதுபோன்றதவ் விறைமகன் புவியெலாம் பொலிவற்றே”(சீகாழித்தலபுராணம், பூதவிமோசனமானவத்தியாயம்,7)

வாயுறைவாழ்த்திற்கு மேற்கோள்; தொல்.புறத்திணை. சூ. 29, இளம்.; சூ. 35, ந.

1 “இகழி னிகழ்ந்தாங் கிறைமகனொன்று, புகழினு மொக்கப் புகழ்ப” (நீதிநெறி.44)