(கு - ரை.) 1. பவ்வம் - கடல் ; "தென்கடன் முத்தும்" (பட்டினப். 189 ; சிலப். 8 : 19) ; "வெண்டிரைத் தென்கடன் முத்தும்" (தஞ்சை. 93) 2. வடகுன்றம் - இமயம். சாந்தம் - சந்தனம். உரீஇ - உரிஞ்சி ; "வடவர் தந்த வான்கேழ்ச் சந்தம்" (அகநா. 340 : 16) 4. விறல் வென்றி - வென்றிவகை பலவற்றுட் போர்வீரத்தாலுண்டாகிய வெற்றி. 5. தென்னவர் வயமறவன் : "திருவீழ் மார்பிற் றென்னவன் மறவன்" (அகநா. 13 : 6) 6. முத்தாகுந்து - முத்தாகும் ; இஃது உம்மீற்றுப்பெயரெச்சம் ; உம், உந்தாயிற்று. 7. குளவி - மலைமல்லிகை. கூதளம் - கூதாளி ; இந்த இரண்டும் சேர்த்து வழங்கப்படும் ; "கூதளங் கவினிய குளவி முன்றில்" (புறநா. 168 : 12) என்பதையும் அதன் குறிப்புரையையும் பார்க்க. 9. தீஞ்சுளைப் பலவு : தீஞ்சுளைப் பலவின் பழமூழ்க் கும்மே", "தீஞ்சுளைப் பலவின் மாமலைக் கிழவன்" (புறநா. 109 : 5, 129 : 4); "மன்றப் பலவின் றீஞ்சுனை" (ஐந். எழு. 4). நாஞ்சில் - ஒருமலை ; "நாஞ்சிற் பொருநன்" (புறநா. 137, 139, 140) 5 - 9. நாஞ்சில் வள்ளுவன் மறச்சாதியினனென்றும் பாண்டியர் களுக்குரிய படைவீரனென்றும் தெரிகிறது.
10. துப்பெதிர்ந்தோர்க்கு - வலியோடு எதிர்த்த பகைவர்க்கு ; "வெப்புடைய வரண்கடந்து, துப்புறுவர் புறம்பெற்றிசினே", "கடுமான் கோதை துப்பெதிர்ந் தெழுந்த, நெடுமொழி மன்னர்" (புறநா. 11 : 8 - 9, 54 : 8 - 9). உள்ளாச் சேய்மையன் - நினைத்தற்கும் எட்டாத மிக்க தூரத்துள்ளான். 11. நட்பு எதிர்ந்தோர்க்கு - அன்பால் அடைந்தவர்க்கு. 10 - 11. "துப்புப் பகையுமாதல்", "துப்பெதிர்ந்தோர்க்கே........நண்மையன்’ என்பதனானும் அறிக"; (குறள், 1165, பரிமேல்.) 12. கந்தனென்பது, நாஞ்சின்மலைத்தலைவர் பரம்பரையில் உள்ளானும் இப்பாட்டுடைத் தலைவனுமாகிய ஒருவன் பெயர். 14. ஆகன்மாறு - ஆதலால் ; "அனையை யாகன் மாறே" (புறநா. 4, 17, 20 : 20, பதிற.் 80 : 12). 15. வற்கடக் காலம் வரினும். 16. போயின்று - நீங்கப்பெற்றது. பூத்த - பலவாற்றாலும் பொலிவு பெற்ற. 15 - 6. புறநா. 378 : 12, குறிப்புரை. (380)
|