'அந்தணர் சான்றோர் அருந்தவத்தோர் தம்முன்னோர் தந்தை தாய் என்றிவர்' எல்லாரும் அடங்க 'யாரக்கும்' என்றார். பணிவு - இருக்கை எழலும் எதிர் செலவும் முதலாயின. இவை இரண்டு பாட்டானும் குடிமைக்கு வேண்டுவன கூறப்பட்டன.)

[இனி , குடிப்பிறந்தார்க்கு உரியவாய குணங்கள் கூறுவான் தொடங்கி , முதற்கண் மானம் கூறுகின்றார் . அஃதாவது , எஞ்ஞான்றும் தம் நிலையில் தாழாமையும் , தெய்வத்தால் தாழ்வு வந்துழி உயிர் வாழாமையும் ஆம் . இஃது அக்குடிப் பிறப்பினை நிறுத்துதலுடைமையின் , அச்சிறப்புப் பற்றி முன் வைக்கப்பட்டது.]

இன்றி அமையாச் சிறப்பின ஆயினும்
குன்ற வருப விடல்.

சீரினும் சீர்அல்ல செய்யாரே சீரொடு
பேராண்மை வேண்டு பவர்.