716.

அறிவுத்திறனால்  பெருமை  பெற்றோர்   முன்னிலையில்   ஆற்றிடும்
உரையில்  குற்றம் ஏற்படுமானால்,  அது  ஒழுக்க நெறியிலிருந்து தளர்ந்து
வீழ்ந்து விட்டதற்கு ஒப்பானதாகும்.
 

717.

மாசற்ற  சொற்களைத் தேர்ந்தெடுத்து உரை நிகழ்த்துவோரிடமே அவர்
கற்றுத் தேர்ந்த கல்வியின் பெருமை விளங்கும்.
 

718.

உணர்ந்து  கொள்ளக்கூடிய  ஆற்றல்  உள்ளவர்களின்  முன்னிலையில்
பேசுதல்,  தானே  வளரக்கூடிய பயிர்  உள்ள  பாத்தியில் நீர் பாய்ச்சுவது
போலப் பயன் விளைக்கும்.
 

719.

நல்லோர்  நிறைந்த  அவையில்  மனத்தில்  பதியும்படி கருத்துகளைச்
சொல்லும்  வல்லமை   பெற்றவர்கள், அறிவற்ற  பொல்லாதோர்   உள்ள
அவையில் அறவே பேசாமலிருப்பதே நலம்.
 

720.

அறிவுள்ளவர்கள்,    அறிவில்லாதவர்களின்    அவையில்   பேசுவது,
தூய்மையில்லாத முற்றத்தில் சிந்திடும் அமிழ்தம்போல் வீணாகிவிடும்.