74. நாடு
 

731.

செழிப்புக்  குறையாத  விளைபொருள்களும்,  சிறந்த   பெருமக்களும்,
செல்வத்தைத் தீயவழியில் செலவிடாதவர்களும்  அமையப்பெற்றதே  நல்ல
நாடாகும்.
 

732.

பொருள்  வளம்   நிறைந்ததாகவும்,  பிறர்   போற்றத்   தக்கதாகவும்,
கேடற்றதாகவும்,  நல்ல  விளைச்சல்  கொண்டதாகவும்  அமைவதே சிறந்த
நாடாகும்.
 

733.

புதிய  சுமைகள்  ஒன்றுதிரண்டு  வரும்  போதும் அவற்றைத் தாங்கிக்
கொண்டு,  அரசுக்குரிய   வரி   வகைகளைச்  செலுத்துமளவுக்கு   வளம்
படைத்ததே சிறந்த நாடாகும்.
 

734.

பசியும்,  பிணியும்,  பகையுமற்ற   நாடுதான்   சிறந்த   நாடு   எனப்
பாராட்டப்படும்.
 

735.

பல குழுக்களாகப் பிரிந்து பாழ்படுத்தும் உட்பகையும் அரசில் ஆதிக்கம்
செலுத்தும்  கொலைகாரர்களால்   விளையும்  பொல்லாங்கும்  இல்லாததே
சிறந்த நாடாகும்.