77. படை மாட்சி
 

761.

எல்லா  வகைகளும்  நிறைந்ததாகவும்,  இடையூறுகளுக்கு  அஞ்சாமல்
போரிடக்கூடியதாகவும்  உள்ள  படை   ஓர்   அரசின்   மிகச்   சிறந்த
செல்வமாகும்.
 

762.

போரில்    சேதமுற்று     வலிமை     குன்றியபோதும்,     எவ்வித
இடையூறுகளுக்கும் அஞ்சாத நெஞ்சுறுதி, பழம்பெருமை கொண்ட படைக்கு
அல்லாமல் வேறு எந்தப் படைக்கும் இருக்க முடியாது.
 

763.

எலிகள் கூடி  கடல்போல முழங்கிப், பகையைக் கக்கினாலும், நாகத்தின்
மூச்சொலிக்கு  முன்னால்   நிற்க   முடியுமா?   அதுபோலத்தான்  வீரன்
வெகுண்டு எழுந்தால் வீணர்கள் வீழந்துபடுவார்கள்.
 

764.

எந்த    நிலையிலும்   அழியாததும்,   சூழ்ச்சிக்கு    இரையாகாததும்,
பரம்பரையாகவே  பயமற்ற  உறுதி  உடையதும்தான்  உண்மையான படை
எனப்படும்.
 

765.

உயிரைப்  பறிக்கும்  சாவு   எதிர்கொண்டு   வந்தாலும்   அஞ்சாமல்
ஒன்றுபட்டு  எதிர்த்து   நிற்கும்  ஆற்றல்  உடையதற்கே  படை   என்ற
பெயர் பொருந்தும்.