786.

இன்முகம்  காட்டுவது  மட்டும்  நட்புக்கு  அடையாளமல்ல:  இதயமார
நேசிப்பதே உண்மையான நட்பாகும்.
 

787.

நண்பனைத்   தீயவழி  சென்று  கெட்டுவிடாமல்  தடுத்து,   அவனை
நல்வழியில்  நடக்கச்  செய்து, அவனுக்குத்  தீங்கு வருங்காலத்தில் அந்தத்
தீங்கின் துன்பத்தைப் பகிர்ந்து கொள்வதே உண்மையான நட்பாகும்.
 

788.

அணிந்திருக்கும்  உடை  உடலைவிட்டு நழுவும்போது எப்படிக் கைகள்
உடனடியாகச்   செயல்பட்டு   அதனைச்    சரிசெய்ய  உதவுகின்றனவோ
அதைப்போல நண்பனுக்கு   வரும்   துன்பத்தைப்   போக்கத்   துடித்துச்
செல்வதே நட்புக்கு இலக்கணமாகும்.
 

789.

மனவேறுபாடு  கொள்ளாமல்   தன்னால்   இயலும்  வழிகளிலெல்லாம்
துணைநின்று நண்பனைத் தாங்குவது தான் நட்பின் சிறப்பாகும்.
 

790.

நண்பர்கள்  ஒருவருக்கொருவர்  "இவர்  எமக்கு இத்தன்மையுடையவர்;
யாம்  இவருக்கு இத்தன்மையுடையோம்"  என்று  செயற்கையாகப் புகழ்ந்து
பேசினாலும் அந்த நட்பின் பெருமை குன்றிவிடும்.