1076.

மறைக்கப்பட  வேண்டிய இரகசியம்  ஒன்றைக்  கேட்ட  மாத்திரத்தில்,
ஓடிச்  சென்று  பிறருக்குச்  சொல்லுகிற  கயவர்களைத்,  தமுக்கு என்னும்
கருவிக்கு ஒப்பிடலாம்.
 

1077.

கையை  மடக்கிக்  கன்னத்தில்  ஒரு  குத்துவிடுகின்ற  முரடர்களுக்குக்
கொடுப்பார்களேயல்லாமல்,   ஈகைக்   குணமில்லாத   கயவர்கள்   ஏழை
எளியோருக்காகத் தமது எச்சில் கையைக்கூட உதற மாட்டார்கள்.
 

1078.

குறைகளைச்  சொன்னவுடனே  சான்றோரிடம்  கோரிய பயனைப் பெற
முடியும்;   ஆனால்   கயவரிடமோ   கரும்பை  நசுக்கிப்  பிழிவதுபோல்,
போராடித்தான் கோரிய பயனைப் பெற முடியும்.
 

1079.

ஒருவர்  உடுப்பதையும்  உண்பதையும்  கண்டுகூட பொறாமைப் படுகிற
கயவன்,  அவர்மீது  வேண்டு  மென்றே  குற்றம்  கூறுவதில் வல்லவனாக
இருப்பான்.
 

1080.

ஒரு   துன்பம்   வரும்போது   அதிலிருந்து   தப்பித்துக்   கொள்ள,
தம்மையே   பிறரிடம்   விற்றுவிடுகிற    தகுதிதான்    கயவர்களுக்குரிய
தகுதியாகும்.