109. தகை அணங்குறுத்தல்
 

1081.

எனை வாட்டும் அழகோ!  வண்ண மயிலோ! இந்த மங்கையைக் கண்டு
மயங்குகிறதே நெஞ்சம்.
 

1082.

அவள்  வீசிடும்  விழிவேலுக்கு   எதிராக   நான்  அவளை  நோக்க,
அக்கணமே  அவள் என்னைத்  திரும்ப நோக்கியது, தானொருத்தி மட்டும்
தாக்குவது போதா  தென்று, ஒரு  தானையுடன் வந்து என்னைத் தாக்குவது
போன்று இருந்தது.
 

1083.

கூற்றுவன்  எனப்படும்  பொல்லாத  எமனை,  எனக்கு  முன்பெல்லாம்
தெரியாது;  இப்போது  தெரிந்து  கொண்டேன்.  அந்த  எமன்  என்பவன்
பெண்ணுருவத்தில்   வந்து    போர்   தொடுக்கக்கூடிய   விழியம்புகளை
உடையவன் என்ற உண்மையை.
 

1084.

பெண்மையின்  வார்ப்படமாகத்  திகழுகிற  இந்தப் பேதையின் கண்கள்
மட்டும் உயிரைப் பறிப்பதுபோல் தோன்றுகின்றனவே! ஏனிந்த மாறுபாடு?
 

1085.

உயிர்பறிக்கும்  கூற்றமோ?  உறவாடும்  விழியோ?  மருட்சிகொள்ளும்
பெண்மானோ? இளம் பெண்ணின் பார்வை இந்த  மூன்று கேள்விகளையும்
எழுப்புகிறதே.