110. குறிப்பறிதல்
 

1091.

காதலியின்  மைதீட்டிய  கண்களில்  இரண்டு  வகையான  பார்வைகள்
இருக்கின்றன; ஒரு  பார்வை  காதல்  நோயைத் தரும் பார்வை; மற்றொரு
பார்வை அந்த நோய்க்கு மருந்தளிக்கும் பார்வை.
 

1092.

கள்ளத்தனமான  அந்தக்   கடைக்கண்   பார்வை,  காம  இன்பத்தின்
பாதியளவைக் காட்டிலும் பெரிது!
 

1093.

கடைக்கண்ணால்   அவள்  என்னைப்  பார்த்த  பார்வையில்  நாணம்
மிகுந்திருந்தது;  அந்தச்  செயல்  அவள்   என்மீது   கொண்ட  அன்புப்
பயிருக்கு நீராக இருந்தது.
 

1094.

நான்   பார்க்கும்போது  குனிந்து   நிலத்தைப்    பார்ப்பதும்,   நான்
பார்க்காத  போது  என்னைப்  பார்த்துத்  தனக்குள்  மகிழ்ந்து  புன்னகை
புரிவதும் என்மீது கொண்டுள்ள காதலை அறிவிக்கும் குறிப்பல்லவா?
 

1095.

அவள்  என்னை  நேராக  உற்றுப்  பார்க்கவில்லையே   தவிர,  ஒரு
கண்ணைச் சுருக்கி வைத்துக் கொண்டதைப் போல என்னை நோக்கியவாறு
தனக்குள் மகிழ்கிறாள்.