1096.

காதலை மறைத்துக்  கொண்டு, புறத்தில்  அயலார்  போலக் கடுமொழி
கூறினாலும்,   அவள்  அகத்தில்  கோபமின்றி   அன்பு  கொண்டிருப்பது
விரைவில் வெளிப்பட்டுவிடும்.
 

1097.

பகையுணர்வு  இல்லாத  கடுமொழியும், பகைவரை நோக்குவது போன்ற
கடுவிழியும்,  வெளியில்  அயலார்  போல  நடித்துக்கொண்டு உள்ளத்தால்
அன்பு கொண்டிருப்பவரை அடையாளம் காட்டும் குறிப்புகளாகும்.
 

1098.

நான்  பார்க்கும்  போது  என்  மீது  பரிவு  கொண்டவளாக மெல்லச்
சிரிப்பாள்;  அப்போது,  துவளுகின்ற  அந்தத்  துடியிடையாள்  ஒரு புதிய
பொலிவுடன் தோன்றுகிறாள்.
 

1099.

காதலர்களுக்கு  ஓர்   இயல்பு  உண்டு;  அதாவது,  அவர்கள்  பொது
இடத்தில்      ஒருவரையொருவர்     அந்நியரைப்     பார்ப்பதுபோலப்
பார்த்துக்கொள்வர்.
 

1100.

ஒத்த அன்புடன் கண்களோடு கண்கள் கலந்து ஒன்றுபட்டு விடுமானால்,
வாய்ச்சொற்கள் தேவையற்றுப் போகின்றன.