(பொ-ள்.)இசையும் எனினும் இசையா தெனினும் வரை தீர எண்ணுவர் சான்றோர் - கைகூடுமெனினும் கை கூடாதெனினும் பழித்தலில்லாத வகையில் அரிய காரியங்களையே மேன்மக்கள் எண்ணிச் செய்வர்; விசையின் நரிமா உளம் கிழித்த அம்பினின் தீதோ அரிமாப் பிழைப்பு எய்த கோல் - விரைவோடு நரி என்னும் விலங்கின் நெஞ்சைக் கிழித்துச் சென்ற அம்பைவிடப் பழிப்புடையதோ, சிங்கத்தினிடம் தவறுதலைப் பொருந்திய அம்பு?

(க-து.)அரிய காரியங்களையே எண்ணிச் செய்வது மேன்மக்கள் இயல்பு.

(வி-ம்.)வசையாவது, ‘சிறியர் செயற்கரிய செய்கலாதார்"¹என்பது, ‘அரிமாப் பிழைப்பெய்த' என்பதற்கு, அரிமா தவறிப் போதலுக்கு ஏதுவான நிலையையடைந்த கோல் என்பது கருத்து. "கான முயலெய்த அம்பினில் யானை, பிழைத்தவேல் ஏந்தல் இனிது"²என்னுந் திருக்குறளை ஈண்டு நினைவு கூர்க.

(2)

153. நரம்பெழுந்து நல்கூர்ந்தா ராயினுஞ் சான்றோர்
குரம்பெழுந்து குற்றங்கொ ண்டேறார்; - உரங்கவறா
உள்ளமெனும் நாரினாற் கட்டி உளவரையாற்
செய்வர் செயற்பா லவை.

(பொ-ள்.)நரம்பெழுந்து நல்கூர்ந்தா ராயினும் சான்றோர் குரம்பெழுந்து குற்றங்கொண்டு ஏறார் - உடம்பில் நரம்பு மேலே தோன்றும்படி³வறுமையெய்தினாராயினும் மேன்மக்கள் தமது நல்லொழுக்கத்தின் வரம்பு கடந்து பிழையான வழிகளை மேற்கொண்டு அவற்றில் தொடர்ந்து செல்லமாட்டார்; உரம் கவறா உள்ளமெனும் நாரினால் கட்டி - அறிவு பனைவிட்டமாக முயற்சியென்னும் நாரினால் அத் தீய நினைவைக் கட்டுப்படுத்தி, உளவரையால் செய்வர் செயற்பாலவை - செய்தற்குரிய

1.குறள். 3 : 6.
2.குறள், 78 : 2.
3. திருமுருகாற். 130.