தொடக்கம்
	11. அவா அறுக்கல் உற்றான் தளரான்; அவ் ஐந்தின் அவா அறுப்பின், ஆற்ற அமையும்; அவா அறான்- ஆகும் அவனாயின், ஐங் களிற்றின் ஆட்டுண்டு, போகும், புழையுள் புலந்து.	உரை
	12. கொலைக் களம், வார் குத்து, சூது ஆடும் எல்லை, அலைக் களம், போர் யானை ஆக்கும் நிலைக்களம், முச் சாரிகை ஒதுங்கும் ஓர் இடத்தும்,-இன்னவை நச்சாமை, நோக்காமை, நன்று.	உரை
	13. விளையாமை, உண்ணாமை, ஆடாமை, ஆற்ற உளையாமை, உட்குடைத்தா வேறல், களையாமை,- நூல் பட்டு ஆர் பூங்கோதாய்!-நோக்கின், இவை ஆறும் பாற்பட்டார் கொண்டு ஒழுகும் பண்பு.	உரை
	14. பொய்யான், புலாலொடு கள் போக்கி, தீயன செய்யான், சிறியார் இனம் சேரான், வையான்,- கயல் இயல் உண் கண்ணாய்!-கருதுங்கால், என்றும் அயல, அயலவர் நூல்.	உரை
	15. கண் போல்வார்க் காயாமை; கற்றார், இனம் சேர்தல்; பண் போல் கிளவியார்ப் பற்றாமை; பண் போலும் சொல்லார்க்கு அரு மறை சோராமை; சிறிது எனினும் இல்லார்க்கு இடர் தீர்த்தல்,-நன்று.	உரை
	16. துறந்தார்கண் துன்னி, துறவார்க்கு இடுதல், இறந்தார்க்கு இனிய இசைத்தல், இறந்தார், மறுதலை, சுற்றம், மதித்து ஓம்புவானேல், இறுதல் இல் வாழ்வே இனிது.	உரை
	17. குடி ஓம்பல், வன்கண்மை, நூல் வன்மை, கூடம், மடி ஓம்பும் ஆற்றல் உடைமை, முடி ஓம்பி, நாற்றம் சுவை கேள்வி நல்லார் இனம் சேர்தல் தேற்றானேல், தேறும் அமைச்சு.	உரை
	18. போகம், பொருள் கேடு, மான் வேட்டம், பொல்லாக் கள், சோகம் படும் சூதே, சொல்வன்மை, சோகக் கடுங் கதத்துத் தண்டம், அடங்காமை காப்பின், அடும் கதம் இல், ஏனை அரசு.	உரை
	19. கொல்லான், கொலை புரியான், பொய்யான், பிறர் பொருள்மேல் செல்லான், சிறியார் இனம் சேரான், சொல்லும் மறையில் செவி இலன், தீச் சொற்கண் மூங்கை- இறையில் பெரியாற்கு இவை.	உரை
	20. மின் நேர் இடையார் சொல் தேறான், விழைவு ஓரான், கொன்னே வெகுளான், கொலை புரியான்,-பொன்னே!- உறுப்பு அறுத்தன்ன கொடை உவப்பான், தன்னின் வெறுப்பு அறுத்தான்-விண்ணகத்தும் இல்.	உரை