ஆடல்போன்ற - (கழாயினின்றும் இழிந்து) பக்கத்தில் அமைந்த கயிற்றிலே குதித்துப் பலவகை அணிகலன்களும் ஒலிப்ப ஆடுங்கூத்தியின் கூத்தைப் போன்றன ; நாரை காண்ப ஒத்த - (கரையில் இருந்த) நாரைகள் காண்பன போன்றன.

   (வி - ம்.) குவளைக் குழியில் (வள்ளைக் கொடிபடா) நாட்டின கழையும் அதிற் படர்ந்த கொடியும், அதிற் பாய்கின்ற மீனும், கழாயும் அதன்கீழ் இழிந்து ஆடுங் கயிறும் கூத்தியும் போன்றன ; வடிவும் தொழிலும் உவமம். காண்ப; அகரவீற்றுப் பலவறி சொல்; தொழிற் பெயராய் (வினையாலணையும் பெயராய்) நின்றது. (கழாய், கழை மூங்கில். பாடு - பக்கம். ஒத்த : பலவின்பால் வினைமுற்று).

   வள்ளைக் கொடியின்மேல் வாளைமீன் பாய்தல் கயிற்றிற் பாய்ந்து ஆடாநின்ற கூத்தியின் கூத்துப் போன்றிருந்தது; கரைக்கண் கூடியிருந்த நாரைக் குழாம் கூத்தாடல் காண்பாரை ஒத்திருந்தது என்பதாம்.

   (இ - ள்.) காவி அன்ன கண்ணினார் கயம்தலைக் குடைதலின்-காவியனைய கண்களையுடைய மகளிர் வாவியிடத்தே விளையாடுதலின் ; ஆவி அன்ன பூந்துகில் அல்குல் அணிந்த பல்கலை கோவை அற்று உதிர்ந்தன - பாலாவியன்ன பூவேலை செய்த ஆடையையுடைய அல்குலின் மேலணிந்த பல கலைகள் வடமற்று உதிர்ந்தன ; கொள்ளும் நீரர் இன்மையின் - அவற்றை எடுப்பார் இல்லாமையால் ; வாவி யாவும் பொன் அணிந்து வானம் பூத்தது ஒத்த - வாவிகள் எல்லாம் மேகலையை அணிந்து, வானம் மீனைப் பூத்த தன்மையை ஒத்தன.

   (வி - ம்.) கயந்தலை : விகாரம் (கயத்தலை எனல் வேண்டும்) பொன் : (கருவி) ஆகுபெயர். மேகலைக்கு உறுப்பானவை அற்று வீழ்ந்தன.

   கலை - மேகலை என்னும் அணிகலன். கொள்ளுநீரர் இன்மையின் என்றது பிறர் வீழ்த்த பொருளைத் தானும் எடுத்துக்கொள்ளாத நற்பண்புடையோர் அந்நாட்டு மக்கள் என்றற்குக் குறிப்பேதுவாய் நின்றது. எனவே, அந்நாட்டிற் கள்வாரிலாமை கூற வேண்டாதாயிற்று என்றபடி, இதனோடு,

   எனவரும் பெருங்கதையினையும் (2-5: 54-6) நினைக.