உடைய குன்றின்மேல் திரண்ட மயில்கள் ; தம் சிறகு ஆடும் மஞ்சினுள் விரித்து இருந்தவண்ணம் அன்னர் - தம் சிறகை அவ்விடத்து உலாவும் முகிலினுள்ளே விரித்திருந்த தன்மையை அம் மங்கையர் ஒத்தனர்.

   (வி - ம்.) காடி - கஞ்சி, சுட்டு (அக்குழல்) வருவிக்க. 'அன்னது' என்ற பாடத்திற்கு 'மூழ்குதல் வண்ணம் என்னது அன்னது' என்க.

   மங்கையர் கூந்தலுக்கும் காடி உண்ட பூந்துகிலினுக்கும் அகிற்புகை ஊட்டுகின்றனர். கூந்தலுக்குக் கலாபம் உவமை

   (இ - ள்.) நும் காதலர் கண்ணுளார் - உம்மாற் காதலிக்கப் பட்ட மகளிர் உம் கண்களின் உள்ளனர் ; ஈங்குக் காமம் ஒழிக என - ஈங்குக் காமத்தை ஒழிக என்று கூறி ; உள்நிலாய வேட்கையால் ஊடினாரை ஆடவர் - உள்ளே நிலவுகின்ற விருப்பத்தாலே ஊடிப் போகின்றவரை அவர்களின் கணவர்கள் ; வண்ணம் மேகலைகளைப் பறற அற்று உதிர்ந்தன- அழகிய மேகலைகளைப் பிடிக்க அவை அற்றுச் சிந்தினவை (கிடந்த இடம்;) எண்இல் பொன் சுடுநெருப்பு உக்க முற்றம் ஒத்த - மாற்று அற்ற பொன்னைச் சுடும் நெருப்புச் சிந்தின முற்றங்களைப் போன்றன.

   (வி - ம்.) இமையாது நோக்கலின், இங்ஙனம் ஊடினார்.1. ”ஈங்கு' தன்மையை உணர்த்துதல், 'செலவினும் வரவினும்' (தொல். கிளவி . 28) சூத்திரத்திற் கூறினாம். பொன்னுக்கும் (நீல) மணிக்கும் தழலும் கரியும் உவமை.

   இச்செய்யுள் வள்ளுவர் ஊடல் நுணுக்கத்தே கூறுவனபோன்ற தொரு ஊடல் நுணுக்கமாதலுணர்க. மகளிர் தம்மை இமையாது நோக்கும் ஆடவர் கண்ணிலே தம்முருவந் தோன்றக் கண்டு ”நுங்காதலர் நுங்கண்ணுள்ளே உள்ளனர்” என்று ஊடினர் என்பது கருத்து.

   (இ - ள்.) வெருளி மாந்தர்- செல்வச் செருக்கினையுடைய மாந்தர்கள் ; அவற்றின் ஊறு உளார் - அவற்றினுடைய புண்

1. 'யாவை யீங்களிப்பன தேவர்கோன்' (மணி. 14-48) என்னுமிடத்தும் 'ஈங்கு' தன்மையிடத்தை உணர்த்தியது.