தூற்றலும் அறியாவாய்; ஆன்று ஆங்கு அமைந்த குரவர் மொழி கோடலியார்
- கல்வி கேள்விகளானிரம்பி அவற்றிற்கியைய அடங்கிய தம்மாசிரியருடைய
மொழிகளையும் ஏற்றுக்கொள்ளாராய்; வான் தாங்கி நின்ற புகழ் மாசுபடுப்பர்
- தான் பிறந்த குடியினுடையவும் தம்முடையவுமாகிய பெருமைமிக்க
புகழையும் கெடுத்தொழிவர். அத்துணைத் தீயதாம் காமம் என்பதாம்.

     (வி - ம்.) இது, காமத்தால் வரும் கேட்டினை அறிவுறுத்தியதாம்.
காமத் தீவினையுடையோரை அவர்க்குப் பற்றுக்கோடாகிய சான்றோர்
முதலியவர் வெறுத்தொதுக்கலின் தனித்து நிற்றல் வேண்டிற்று.

     ஆன்று - கல்வி கேள்விகளாலே நிரம்பி என்க. குரவர்-நல்லாசிரியர்
முதலியவர். கோடலீயார்: ஒரு சொல். (வினைத் திரிச்சொல்) கொள்ளார்
என்னும் பொருட்டு.

     தான்றோன்றிய உயர்குடிப் பெரும்புகழ் என்பது தோன்ற
வான்றாங்கி நின்ற புகழ் என்றார்.                        (27)

     (இ - ள்.) காமநோய் நன்கு எழுந்து நனிகாழ் கொள்வது ஆயின்
அக்கால் - மாந்தருக்குக் காமப்பிணி நன்றாகத் தோன்றி மிகவும்
முதிர்வதனால் அப்பொழுது; மா என்று உரைத்து மடல் ஏறுப - குதிரை
என்று கூறிக்கொண்டு பனைமடலாலே குதிரையுருவஞ் செய்து நாணம்
விட்டுப் பலருங் காண அதன்மேல் ஏறா நிற்பர்; பூ என்று எருக்கின் இணர்
சூடுப - மணமாலை என்று கூறிக்கொண்டு எருக்கமலர்க் கொத்தினையும்
சூடிக்கொள்வர் : புன்மை கொண்டு-இவ்வாறு இழிதகவுடையன
செய்துகொண்டு; பிறர் பேய் என்று எழுந்து ஆர்ப்ப - தம்மைக் கண்ட
பிறரெல்லாம் இஃதொரு பேயென்று கூறி எழுந்து ஆரவாரிக்கும் படி; மன்று
தொறும் நிற்ப - அம்மடன்மாவை ஊர்ச்சிறாரா விழுப்பித்து மன்ற
மிருக்குமிடந்தோறும் அதனை யூர்ந்து சென்று ஊரவர் அறிய நிற்பர்;
இத்துணையும் செய்விக்கும் காமங்கண்டீர்! என்பதாம்,

     (வி - ம்.) ஒரு தலைவன் தான் காமுற்ற தலைவியை மணத்தற்கு
அவளுடைய சுற்றத்தார் முதலியோரால் இடையூறு நேர்ந்தவிடத்து இவ்வாறு
மடவேறுதல் பண்டைக்காலத்து நந்தமிழகத்து நிகழ்ந்த நிகழ்ச்சியாம்.
இந்நிகழ்ச்சி இழிதகவுடையதாகலின் காமத் தினிழிதனைமைக்கு இதனை
இவ்வாசிரியர் குறிக்கின்றார். காமங் காழ்கொண்டவர் இங்ஙனம்
மடன்மாவூரும் வழக்கமுண்மையை,