174.

நேமி மால்வரை மதில் ஆக- சக்கரவாளம் என்னும் பெயருடைய
உலகைச்  சூழ்ந்திருக்கும்  பெருமலையே  மதிலாகவும்; நீள்புறப் பாம
மாபுறக்கடல் கிடங்காத-நீண்ட. பரப்புடைய பெரும்புறக்கடல் என்னும்
பெயருடைய  கடலே  அகழியாகவும்; மலைபல் மணிவாமம் மாளிகை
ஆக-  மலைகள்  யாவும்.  பலவகை  மணிகள்   நிறைந்த  அழாகான
மாளிகைகள்  ஆகவும்  இருந்தது; பூமியும்  அயோத்தி  மா  நகரம்
போலும்-   நிலம்   முழுவதுமே   அப்பேரரசனது   தலைநகரமாகிய
அயோத்தி போன்றிருக்கிறது.

உலகம்    முழுவதும் அவ்வேந்தனது செங்கோல் செல்லும் என்பது
கருத்து.  ‘சக்கரவாளகிரி’ என்பது உலகைச்  சூழ்ந்திருக்கும் பெருமலை.
அப்பெருமலையைச்  சூழ்ந்திருக்கும்   பெருங்கடல்.   பெரும்புறக்கடல்
என்னும் பெயருடையது என்பது புராண  நூல்  கருத்து. மால்: மயக்கம்.
மால்வரை:  பார்ப்பவரை  வியப்பால்   மயங்கச் செய்யும் மலையாகும்.
பாமம்:  பரப்பு.  வாமம்:  அழகு.  ஏ:   அசை.   அயோத்தி  என்பது
ஒருவராலும்   வெல்ல   இயலாதது   என்னும்    பொருள்   உடைய
வடமொழிப் பெயர்.                                         7
 

175.

யாவரும்  வன்மை நேர் எறிந்து  - எதிர்த்து வரும் எவருடைய
வலிமைக்கும்  ஈடுகொடுத்து  நேருக்கு நேர்  நின்று வெல்லும் போரை;
தீட்டலால்  -  அடிக்கடி  செய்வதால்  ஓரமும்.  முனையும்  மழுங்கி
அவற்றை   அடிக்கடி  நீட்டுவதாலே;  மேவரும்  கையடை  வேலும்
தேயும்- விரும்புகின்ற கைவிடாப்படைகளான வேலும்  வாளும் தேயும்;
கோ  உடை நெடு மணி  மகுட  கோடியால்-  தன்னை  வணங்கும்
அரசர்களது  நீண்டமணி  மகுடவரிசையால்;  சேவடி அடைந்தபொன்
கழலும்   தேயும்-   தயரது  மன்னனது  கால்களில்  பொருந்தியுள்ள
பொன்னால் ஆகிய வீரக்கழல்களும் தேயும்.

தயரத     மன்னனது   போரற்றலும்.  மன்னர்   பலரும் பணிந்து
வணங்கும்  பெருமையும்  கூறப்பட்டது.  கையடை -  கைவிடாப்படை.
அடிக்கடி  போர் செய்வதால். மழுங்குகிறது. மீண்டும்  கூர்மை ஆக்கத்
தீட்டுவதால்  தேய்கிறது என்பது கருத்து. சிற்றரசர்கள்  பலரும் சேவடி
தொழுதலால். அவர்களது