ஒரு எல்லை வேறு எனச் சொல்ல இயலாதபடி; உவள்  அருமறையின்
ஒடு  - தூய்மையான வேதங்களுடன்; ஒழிவு அறு கலையும்- நீங்காத
கலைகள்  பலவற்றையும்;  தவன்  மதிபுனை அரன்நிகர் முனிதரவே
-  சந்திரனைத்   தலையில்  அணிந்துள்ள  சிவபெருமானுக்கு ஒப்பான
வசிட்ட முனிவன் கற்றுத்தர.

சவுளம்:     குடுமிக்   கல்யாணம்    என்பர்     (தலை    முடி
திருத்துதல்).உபநயம் -உபநயனம். பூணூல்  அணிவித்தல்  (துணைக்கண்
என்பர்).  ஞானக்  கண்  பெறுதற்குரிய  சடங்கு   என்பர்.  தருகுற்று;
தரப்பெற்று  (செய்து).  இவ்வளவு:  இவ்வளவு  (இடைக்குறை)-   கரை:
எல்லை  (வேதத்துக்கு  எல்லை  இல்லை  என்பது  குறிப்பு).  இலவா:
(இல+ஆ)  இல்லது  ஆக.  கலைகள்  யாவும்  மறைப்   பொருளையே
விளக்குவதாதலின்  ‘’மறைவினொடு  ஒழிவறு  கலை’’  என்றார் அரன்.
அடியார்களின்   பாவத்தைக்   போக்குபவன்.    சவுளம்    மூன்றாம்
ஆண்டிலும்   உபநயனம்.   பத்தாமாண்டிலும்   செய்யப்படுவதென்பர்.
தவள்: என்பதன் திரிபு.

சவுளம்     முதலிய  சடங்குகளை  விதிப்படி நடத்தியபின் வசிட்ட
முனிவன் வேதம் மற்றும் கலைகள்  பலவற்றையும்  அரசகுமாரர்களுக்கு
கற்பித்தான் என்பது கருத்து. முனிவனுக்குச்  சிவன்  உவமை - முற்றும்
உணர்தலாலும் நால்வர்க்கு அறம் கூறியதாலுமாம்.                124

                                    மைந்தரின் படைப் பயிற்சி
 

யானையும்   இரதமும் இவுளியும் முதலா- யானை. தேர். குதிரை
ஆகியவைகளைச்    செலுத்துதல்    முதலான;    ஏனைய  பிறவும்
அவ்வியல்பினில்   -   மற்றும்   அரசகுமாரர்களுக்குரிய   வாகனப்
பயிற்சிகளையும் அந்தந்த முறையிலேயே; அடைவு உற்று - அடையப்
பெற்று;  ஊன்  உறுபடை பல சிலையொடு  பயிலா  - பகைவரின்
உடல்தசை  அடையப்  பெற்ற  படைக்கலங்களை   வில்வித்தையோடு
பயின்று;  வானவர்  தனிமுதல் - தேவர்களின் ஒப்பற்ற தலைவனான
ராமபிரான்;  கிளை  தனிமுதல்  -தேவர்களின் ஒப்பற்ற தலைவனான
ராமபிரான்;   கிளையொடு   வளர  -   தனது  தம்பிமார்களுடனே
வளர்ந்துவரும் நாளிலே.

யானை.    முதலியவை இவைகளில் ஏறிச் செலுத்துதலைக் குறிப்பது.
யானையேற்றம்.    தேரேற்றம்.    முதலியவை    அரசகுமாரர்களுக்கு
உரியனவாம்.   ‘ஏனைய   பிற’   என்றது   இவையல்லாத.  ஒட்டகம்
முதலியவைகளில் ஏறிச் செல்லுதலைக் குறிக்கும்.

ஊனுறு  படை: பகைவனின் ஊனைப் பொருந்திய படையாம். கிளை
உவமையாகு  பெயராய்  உறவினரைக்  குறிப்பது.   இங்குத் தம்பியரை
உணர்த்தி நின்றது. பயிலா: பயின்று. முதலா: முதலாக.