ஆன+அவன்:  ஆனவன் அகரம்   தொக்கது. ‘அந்நாள்வாய்’ இதில்
‘வாய்’  ஏழனுருபு.  ஊனம்:  குறைபாடு.    ‘எயிறு’ இங்குப் பற்களாகும்.
‘ஞாலம்  ஒடுங்கும் எயிற்று ஆண் ஏனம்’  உலகத்தைத் தனது ஒற்றைக்
கொம்பிலே   தாங்கிய  வராக   மூர்த்தியை  இவ்வாறு  சிறப்பிக்கிறார்.
‘’பன்றியால்  படி  எடுத்த பாழியான்’’  என்பர்; அது உன். வென்றியார்
உன்னெயிற்றின்  மென்துகள்  போன்று  இருந்ததால்’’  என்ற அஷ்டப்
பிரபந்தப் பாடல் ஒப்பிடத் தக்கதாம். வையம்: பூமி.

ஆதிவராகத்தை  ஒத்த   வலிமைபடைத்த  மகாபலி.  விண்ணையும்.
மண்ணையும் கவர்ந்த தனக்குச் சொந்தமாக்கிக் கொண்டான் என்க.   17
 

செய்த   பின்  -  மாவலி  அவ்வாறு  விண்ணையும் மண்ணையும்
வவ்வுதல்  செய்த  பிறகு;  வானமும்  செயல் ஆற்றா - தேவர்களும்
செய்ய   இயலாத;   நெய்தவழ்  வேள்வியை  -  நெய்மிகுந்து  அவி
வழங்கும்  வேள்வியை;  முற்றிட  நின்றான்  -  செய்து  நிறைவேற்ற
நிலைத்தவனாகி;  ஐயம்  இல்  சிந்தையர்  -  ஐயமில்லாத  உள்ளம்
உடையவராகிய;   அந்தணர்   தம்பால்   -   அந்தணர்களிடத்திலே;
வையமும்   யாவும்  -  பூமியையும்  மற்றெல்லாவற்றையும்;  வழங்க
வலித்தான் - வழங்கத் துணிந்தான்.

செயல்:   செய்தல்  (?தொழிற்பெயர்).  ஆற்றா: முடியாத. ‘நெய்தவழ்
வேள்வி’   என்று   குறிப்பால்  ‘ஊன்’   விலக்கியது  குறிக்கப்பட்டது.
நின்றான்: முற்றெச்சம் (நின்றானாகி).   வலித்தான்:  துணிவு கொண்டான்.
தேவர்களும் செய்ய முடியாத வேள்வியைச்  செய்து  முடிக்க  நினைத்து
-   அந்த   வேள்விக்   காலத்தே   வையமும்  யாவும்  -   ஐயமில்
சிந்தையரான அந்தணருக்கு வழங்கத் துணிந்தான் என்பது கருத்து.   18
 

வானவர்  ஆயது அறிந்தனர்  -  தேவர்கள்  மாவலியின் அந்தச்
செய்தியைத் தெரிந்தனர்; அந்நாள் மாயனை வந்து வணங்கி நின்றார்
-   அப்போது    திருமாலை   வந்து  வணங்கி  நின்றனர்;   தீயவன்
வெந்தொழில் தீர் என  இரந்தார்  -  கொடியவனான  மாவலியினது
கொடுந்  தொழிலைத்  தீர்ப்பாய் எனக் கெஞ்சிக் கேட்டனர்; நாயகனும்
அது  செய்ய நயந்தான் - தலைவனாகிய திருமாலும் அக்காரியத்தைச்
செய்ய ஒருப்பட்டான்.