உணவும்   இல்லாமல்;   விடுகின்றாய்   -   விடுகின்றாய்  என்பதை
அறிவாயாக.

‘’கொடுப்பது   அழுக்கறுப்பான் சுற்றம் உடுப்பதூஉம் - உண்பதூஉம்
இன்றிக்  கெடும்’’  என்ற  குறளை  நினைந்து  பாடிய  செய்யுள்  இது.
ஈவது:  கொடுப்பது  ‘அழகிதோ’  இதில்  ஓகாரம்   எதிர்மறை வினாப்
பொருள்   தந்து   நின்றது.   தகவு:  தகைமை.   சுற்றம்:   இனத்தார்.
கொடுப்பதைத் தடுத்த வெள்ளியைத் தகவில் வெள்ளி என்றார்.     32
 

இம்மொழி  யெலாம் முடிய மொழிந்து  -  இத்தகைய   நீதிகளை
எல்லாம்   முற்றும்  எடுத்துச்  சொல்லி;  மந்திரி  கொடியன்  என்று
உரைத்த    சொல்   -   அமைச்சனும்.   புரோகிதனுமான  சுக்கிரன்
வாமனனைக்     கொடியன்   என்று   கூறிய   சொற்களை;  ஒன்றும்
கொண்டிலன்  -  ஒரு சிறிதும் ஏற்றுக் கொள்ளாதவனாகி; நீ அடி ஒரு
மூன்றும்  -  (வாமனனைப்  பார்த்து)   நீ   என்னைக்  கேட்ட அந்த
மூன்றடி அளவுள்ள நிலத்தை; அளந்து கொள்க என - உனது காலால்
அளந்து  கொள்க  என்று சொல்ல; நெடியவன் குறிய கை - திருமால்
தனது குறுங்கைகளை; நீரில் நீட்டினான் - மாபலி வார்த்த தான நீரில்
நீட்டினான்.

முடிய:  முடிவு  பெற.  ‘மொழி’   என்பது   சொல்வாகு  பெயராய்
நீதிமொழிகளை     உணர்த்தி    நின்றது.    சுக்கிரன்   ஆசிரியனும்
அமைச்சனுமாம்.   ‘ஒன்றும்’   இங்குச்  சிறிதும்  என்று பொருள் தந்து
நின்றது.   ‘ஒரு’   சிறுமை  குறித்த சொல்லாகும். நெடியவன்: திருமால்.
இங்குக்  குறளுருவான  வாமன வடிவத்திலேய - பின் எடுக்கப் போகும்
பேருருவம்    அடங்கியிருக்கிறது   என்பதை  உணர்த்த  ‘’நெடியவன்
குறியகை’’ என்றார் என்க.                                   33
 

கயம் தரு நறும்  புனல்- குளத்தின் நறுமணமுள்ள அந்தத் தான
நீர்; கையில்  தீண்டலும் - தனது கைகளில் தீண்டபப்பட்டவுடனே;